రాష్ట్రీయం
ఇన్నోవేటివ్ సెంటర్ ఏర్పాటుకు ఫిలిప్పీన్స్ శాస్తవ్రేత్తల బృందం పర్యటన
S ,7 à 8 RSCA (si SASPAS) et 6 cialis pharmacie cialis rapports de stage.
నెల్లూరుటౌన్, మార్చి 3: ఫిలిప్పీన్స్ కేంద్రంగా పనిచేసే అంతర్జాతీయ వరి పరిశోధన సంస్థ (ఇర్రి) డైరెక్టర్ జనరల్ మాథ్యూ మోరెల్ నేతృత్వంలోని శాస్తవ్రేత్తల బృందం శనివారం నెల్లూరు జిల్లాలో పర్యటించింది. ఇటీవల రాష్ట్ర వ్యవసాయశాక మంత్రి సోమిరెడ్డి చంద్రమోహన్‌రెడ్డి బృందం ఫిలిప్పీన్స్, వియత్నాం, థాయిలాండ్ దేశాల్లో పర్యటించిన సంగతి తెలిసిందే. ఏపీలో రీజనల్ ఇన్నోవేటివ్ సెంటర్ (వినూత్న ఆవిష్కరణ కేంద్రం) ఏర్పాటుకు ఆ పర్యటనలో ఇర్రితో ఒప్పందం చేసుకున్నారు. అందులో భాగంగా శుక్రవారం ఈ బృందం అమరావతిలో సీఎం చంద్రబాబు నాయుడుతో సమావేశమైంది. ప్రస్తుతం ఇలాంటి కేంద్రం ఉత్తర భారతదేశం వారణాసిలో ఉంది. దేశంలో రెండోదైన ఇన్నోవేటివ్ సెంటర్‌ను ఇర్రి భాగస్వామ్యంతో నెల్లూరు జిల్లాలో ఏర్పాటుచేసేందుకు ఉన్న అనుకూలమైన పరిస్థితులను అధ్యయనం చేసేందుకు ఇర్రి శాస్తవ్రేత్తల బృందం పర్యటించింది.
జిల్లా అధికారులతో సమావేశం
మాథ్యూ మోరెల్ నేతృత్వంలోని ఈ బృందం శనివారం నెల్లూరులో అధికారులతో సమావేశమైంది. ఏపీ ఐఐసీ చైర్మన్ పి కృష్ణయ్య, కలెక్టర్ ముత్యాలరాజు, ఆచార్య ఎన్జీ రంగా వ్యవసాయ విద్యాలయం వైస్ ఛాన్సలర్ వల్లభనేని దామోదర్‌నాయుడు, ఆర్డీవో పి హరిత, ఏపీ ఐఐసీ జెడ్ ఎం కె వెంకటేశ్వరరావు, డీడీ ఏ శివనారాయణ తదితరులు ఈ సమావేశానికి హాజరయ్యారు. ఇర్రి కార్యకలాపాలను శాస్తవ్రేత్తలు వివరించగా వరిసాగుతో పాటు నూతన ఆవిష్కరణలకు నెల్లూరులో ఉన్న విశిష్టతలను, వరితో నెల్లూరుకు ఉన్న అనుబంధాన్ని అధికారులు శాస్తవ్రేత్తలకు వివరించారు.
భూముల పరిశీలన
రీజనల్ ఇన్నోవేటివ్ సెంటర్ ఏర్పాటుకు అనుకూలమైన భూములను శాస్తవ్రేత్తల బృందం పరిశీలించింది. మొదట కోవూరు మండలం పోతిరెడ్డిపాళెంలోని భూములను పరిశీలించారు. ఇక్కడ ఉన్న అనుకూలతలపై అధికారులతో చర్చించారు. దగ్గరలో జాతీయ రహదారి ఉండటంతో పాటు నెల్లూరుకు ఆనుకుని వున్న ప్రదేశమని, పక్కనే పెన్నానది కూడా ఉందని అధికారులు వివరించారు. అనంతరం శాస్తవ్రేత్తల బృందం ముత్తుకూరు మండలం నారికేళపల్లి పంచాయతీ పరిధిలోని భూములను పరిశీలించారు. మొదట అక్కడ రైతులు సాగుచేసిన వేరుశనగ పంటను పరిశీలించి దిగుబడులపై చర్చించారు.
ఏఆర్‌ఎస్‌లో శాస్తవ్రేత్తల బృందం
భూముల పరిశీలన అనంతరం శాస్తవ్రేత్తల బృందం నెల్లూరులోని వ్యవసాయ పరిశోధన క్షేత్రం (ఏఆర్‌ఎస్)ను సందర్శించింది. రైస్ మ్యూజియంను సందర్శించడంతో పాటు ఏ ఆర్ ఎస్‌లో జరుగుతున్న అన్ని కార్యకలాపాలను స్థానిక శాస్తవ్రేత్తల నుంచి తెలుసుకున్నారు. నూతన వంగడాల ఆవిష్కరణల ప్రదర్శన క్షేత్రాలను పరిశీలించారు. నెల్లూరు శాస్తవ్రేత్తలు సృష్టిస్తున్న వంగడాల విశిష్టతను తెలుసుకున్నారు. అనంతరం ఇర్రి శాస్తవ్రేత్తలను ఆచార్య ఎన్జీ రంగా వ్యవసాయ విశ్వవిద్యాలయ వైస్ ఛాన్సలర్ వల్లభనేని దామోదర్‌నాయుడు ఘనంగా సత్కరించారు.
చిత్రం..నెల్లూరులో వరి వంగడాలను పరిశీలిస్తున్న ఇర్రి సభ్యులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.