రాష్ట్రీయం
లీకు పేపర్లకు మళ్లీ.. పరీక్ష!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: సీబీఎస్‌ఈ లీకైన పేపర్లకు మళ్లీ పరీక్ష నిర్వహించనున్నట్టు బోర్డు బుధవారం ప్రకటించింది. ప్లస్ టు పేపర్లు , పదో తరగతి పేపర్లు లీకైనట్టు మీడియాలో పెద్ద ఎత్తున వస్తున్నా తొలుత బుకాయించిన సీబీఎస్‌ఈ అధికారులు, ఎట్టకేలకు లీకేజీని అంగీకరించారు. దాంతో ప్లస్ ఎకనామిక్స్, పదో తరగతి మాథ్స్ పేపర్లను తిరిగి నిర్వహించనున్నట్టు బోర్డు కంట్రోలర్ బుధవారం ఢిల్లీలో ప్రకటించారు. మరోపక్క లీక్‌లకు బాధ్యులపైనా, పేపర్లను సామాజిక మాధ్యమాల్లో ఉంచిన వారిపైనా పోలీసులు కేసులు నమోదు చేశారు. మిగిలిన ప్రశ్నాపత్రాల లీక్‌పైనా బోర్డు ఆరా తీస్తోంది. కాగా రీ ఎగ్జామినేషన్‌కు సంబంధించి వారంలో షెడ్యూలు ప్రకటిస్తామని అధికారులు చెప్పారు. ఏప్రిల్ రెండోవారంలో ఈ పరీక్షలను నిర్వహించనున్నట్టు తెలిసింది. అయితే బోర్డు నిర్ణయంపై విద్యార్థులు భగ్గుమంటున్నారు. అన్ని రాష్ట్రాల్లో విద్యార్థులు తమ తీవ్ర నిరసన వ్యక్తం చేశారు. విద్యార్ధుల భవిష్యత్‌ను దృష్టిలో ఉంచుకుని లీకైన పేపర్ల పరీక్షలను మళ్లీ నిర్వహించాలని బోర్డు నిర్ణయించినట్టు సీబీఎస్‌ఈ ప్రకటించినా, కంట్రోలర్ మాత్రం లీక్ కారణంగా పరీక్షలు మళ్లీ నిర్వహిస్తున్నట్టు చెప్పకుండా జరిగిన సంఘటనల నేపథ్యంలో అని పేర్కొనడం విడ్డూరం. సోషల్ మీడియా, మేసేజింగ్ యాప్ వాట్సప్ ద్వారా ఢిల్లీలోని రోహిణీ ప్రాంతంలో తొలుత సీబీఎస్‌ఈ 12వ తరగతి ఎకనామిక్స్ పేపర్ బయటకు వచ్చింది. అయితే పేపర్ లీక్ కాలేదని అధికారులు కొట్టి పారేశారు. అనంతరం లీకేజీ వ్యవహారంపై దర్యాప్తునకు ఆదేశించినట్టు ఢిల్లీ ఉప ముఖ్యమంత్రి మనీష్ సిసోడియా వెల్లడించారు. పేపర్ల లీక్‌పై ఆయన నిరసన కూడా వ్యక్తం చేశారు. లీకేజీ వ్యవహారంపై అప్పట్లో స్పందించిన సీబీఎస్‌ఈ వార్తలను కొట్టి పారేసింది. అన్ని పత్రాలు సీల్ వేసిన కవర్లలోనే జాగ్రత్తగా పరీక్ష కేంద్రాలకు పంపించామని, ఎక్కడా పేపర్లు లీక్ కాలేదని పేర్కొంది. తాజాగా ప్రధాని నరేంద్రమోదీ సైతం ఈ అంశంపై స్పందించి అసహనం వ్యక్తం చేయడంతో సీబీఎస్‌ఈ తాజాగా ఈ నిర్ణయం తీసుకుంది. సిబిఎస్‌ఈ అకౌంటెన్సీ పేపర్ సైతం లీకైనట్టు విద్యార్థులు ఫిర్యాదు చేయడంతో ఢిల్లీ ప్రభుత్వం లీక్‌పై దర్యాప్తునకు ఆదేశించింది. అక్కడితో ఊరుకోని ఢిల్లీ ప్రభుత్వం ప్రత్యేక బృందాలను సైతం నియమించింది. ఈ బృందాలు ప్రాథమికంగా పేపర్ లీక్ అయినట్టు నిర్ధారించాయి. రానున్న రోజుల్లో ఒత్తిడి లేని రీతిలో పరీక్షలు జరిగేలా, లీక్‌లను అరికడుతూ ప్రత్యామ్నాయ విధానాలపై దృష్టిసారిస్తామని మానవ వనరుల మంత్రి ప్రకాష్ జవదేకర్ ట్విట్టర్‌లో పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.