రాష్ట్రీయం
పునరావాసం సంతృప్తికరం
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి: పోలవరం ప్రాజెక్టు నిర్వాసితులకు అందుతున్న సాయం, పునరావాసంపై జాతీయ ఎస్టీ కమిషన్ సంతృప్తి వ్యక్తం చేసింది. రాష్ట్రం అమలు చేస్తున్న ఆర్‌ఆర్ ప్యాకేజీపై కేంద్రానికి త్వరలో సానుకూలంగా నివేదిక ఇస్తామని బుధవారం ముఖ్యమంత్రి నారా చంద్రబాబు నాయుడిని సచివాలయంలో కలిసిన జాతీయ ఎస్టీ కమిషన్ చైర్మన్ నందకుమార్ సాయి చెప్పారు. సహాయ పునరావాస కార్యక్రమాల కోసం నిధులను త్వరితగతిన విడుదల చేసేలా కేంద్రాన్ని కోరతామని తెలిపారు. ఈ నెల 26, 27 తేదీల్లో పోలవరం ప్రాజెక్టును, ముంపు గ్రామాలను సందర్శించామని, పునరాస గ్రామాల్లో చేపట్టిన అభివృద్ధి కార్యక్రమాలను పరిశీలించామని వివరించారు. ప్రభుత్వ సాయంతో గిరిజనుల స్థితిగతులు మెరుగుపడ్డాయని, అయితే సాధ్యమైనంతవరకు భూమికి భూమిని పరిహారంగా ఇవ్వాలని జాతీయ ఎస్టీ కమిషన్ సభ్యులు రాష్ట్ర ప్రభుత్వానికి సూచించారు. పోలవరం ఎన్నో దశాబ్దాల స్వప్నమని, దానిని సాకారం చేసేందుకు తమ ప్రభుత్వం చిత్తశుద్ధితో వుందని ఎస్టీ కమిషన్ చైర్మన్‌తో ముఖ్యమంత్రి అన్నారు. భూమిని కోల్పోతున్న గిరిజనులకు భూమిని ఇవ్వడానికే ప్రయత్నిస్తున్నామని, భూమి ఇవ్వడమే కాదు సాగునీటిని నూటికి నూరుశాతం ఇస్తామని చెప్పారు. ముంపు గ్రామాల్లో ప్రజలకు పునరావాసంతో పాటు విద్య, వైద్యం, నైపుణ్య శిక్షణ, ఉపాధి, పునరావాస కాలనీలకు వౌలిక వసతుల కల్పన చేపట్టినట్లు వెల్లడించారు. పోలవరం ప్రాంతంలో ప్రత్యేకంగా ఇండస్ట్రియల్ టౌన్‌షిప్ ఏర్పాటుకు కృషి చేయాలన్న జాతీయ ఎస్టీ కమిషన్ సూచనకు ముఖ్యమంత్రి అంగీకరించారు. ప్రత్యేకంగా ఇండస్ట్రియల్ టౌన్‌షిప్ ఏర్పాటు చేయడమే కాకుండా పరిశ్రమలు నెలకొల్పేవారికి ప్రత్యేక ప్రోత్సాహకాలు అందిస్తామని తెలిపారు. ఒక్క గిరిజన కుటుంబం కూడా నష్టపోకూదన్నదే తన ఉద్దేశమన్నారు. సమీప భవిష్యత్‌లో ఇంతటి భారీ ప్రాజెక్టును భారతదేశంలో నిర్మించే అవకాశం లేదని వివరించిన ముఖ్యమంత్రి పోలవరం నవ్యాంధ్రప్రదేశ్‌కు జీవనాడిగా అభివర్ణించారు. భేటీలో రాష్ట్ర జలవనరుల మంత్రి దేవినేని, సీఎం ముఖ్య కార్యదర్శి జి.సాయిప్రసాద్, ఎస్టీ కమిషన్ వైస్ చైర్మన్ అనసూయనిఖి, సభ్యులు పాల్గొన్నారు.
చిత్రం..చంద్రబాబుతో సమావేశమైన జాతీయ ఎస్టీ కమిషన్ చైర్మన్ నందకుమార్ సాయి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.