రాష్ట్రీయం
వైజాగ్..ఇక ఫిన్‌టెక్ హబ్
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం (జగదాంబ), మార్చి 29: ఐటీ పరిశ్రమల రాకతో త్వరలోనే విశాఖ గ్లోబల్ ఫిన్‌టెక్ హబ్‌గా మారబోతోందని ముఖ్యమంత్రి చంద్రబాబు అన్నారు. టెక్నాలజీ సర్వీసెస్ కంపెనీ ఇన్నోవో సొల్యూషన్స్ సహకారంతోఫ్రాంక్లిన్ టెంపుల్‌టెన్ సంస్థ కార్యాలయాన్ని గురువారం విశాఖలో ప్రారంభించారు. ఈ సందర్భంగా సీఎం మాట్లాడుతూ 1947లో ప్రారంభమైన టెంపుల్‌టెన్ కంపెనీ విశాఖకు రావడం గర్వకారణమన్నారు. హైదరాబాద్‌లో ఐటీ అభివృద్ధిలో తన ట్రాక్‌రికార్డ్ చూసి ఈ కంపెనీ విశాఖ వచ్చిందని, దీనిని ఉద్యోగులు సద్వినియోగం చేసుకోవాలన్నారు. ఆంధ్రప్రదేశ్‌తో పాటుగా దేశంలో పెట్టుబడులను ప్రోత్సహించడంతో పాటు, ఆర్థిక, సేవా రంగాలలో కీలకంగా నిలవాలనే లక్ష్యం చేరుకోవడంలో ఇది కీలకమైన ముందడుగుగా నిలవనుందన్నారు. త్వరలోనే విశాఖ నగరానికి పలు ఐటీ కంపెనీలు వస్తాయని, వారందరికీ అవసరమైన స్థలాలు, వౌలిక వసతుల కల్పనకు ప్రత్యేక చర్యలు తీసుకుంటున్నామన్నారు. ఫ్రాంక్లిన్ టెంపుల్‌టెన్ సంస్థ సీఈవో జెన్నీ జాన్సన్ మాట్లాడుతూ టెక్నాలజీ అనేది అత్యంత కీలకమైనదని, దీని ద్వారా అంతర్జాతీయ అస్సెట్ మేనేజ్‌మెంట్ పరిశ్రమ వృద్ధి చెందుతుందన్నారు. ఇన్నోవో సొల్యూషన్స్ సహకారంతో ఏర్పాటు చేసే ఈ సెంటర్ ఒక సారి పూర్తిగా వైజాగ్ కేంద్రంలో కార్యకలాపాలు ప్రారంభిస్తే, సంస్థ టెక్నాలజీ ప్రణాళికలలో కీలకపాత్ర పోషించనుందన్నారు. ప్రస్తుతం 2,800 మంది ఉద్యోగులు పని చేస్తున్నారని, ప్రీమియర్ గ్లోబల్ ఇనె్వస్ట్‌మెంట్ మేనేజ్‌మెంట్ సంస్థగా నిలవాలనదే కంపెనీ లక్ష్యమన్నారు. రాష్ట్ర ఐటీ శాఖ మంత్రి నారా లోకేష్ మాట్లాడుతూ దేశ, విదేశాలలో చంద్రబాబు పర్యటించి పెట్టుబడులను రప్పిస్తున్నారని, విజనరీ ఛీప్ మినిస్టర్‌గా చంద్రబాబుకు మంచి పేరుందన్నారు. ఫార్చ్యూన్ 500 కంపెనీలలో ఒకటైన ఫ్రాంక్లిన్ టెంపుల్‌టెన్ కంపెనీ విశాఖలో రావడంతో ఈ రోజు చరిత్రలో మిగిలిపోతుందన్నారు. కార్యక్రమంలో ఫ్రాంక్లిన్ టెంపుల్‌టెన్ సీఈవో జాన్సన్‌ను ముఖ్యమంత్రి చంద్రబాబు, ఐటీ శాఖ మంత్రి లోకేష్ ఘనంగా సత్కరించారు.
చిత్రం: ఫ్రాంక్లిన్ టెంపుల్‌టన్ సీఈవో జెన్నీ జాన్సన్‌ను సన్మానిస్తున్న
ముఖ్యమంత్రి చంద్రబాబు, ఐటీ శాఖ మంత్రి లోకేష్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.