రాష్ట్రీయం
నేడు ఐఐటీ జేఈఈ మెయిన్స్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: దేశవ్యాప్తంగా ఐఐటీ జేఈఈ మెయిన్స్ పెన్ను- పేపర్ ఆధారిత పరీక్ష నేడు జరగనుంది. తెలుగు రాష్ట్రాల్లో ఇందుకు 25 రీజనల్ కేంద్రాలు ఏర్పాటు చేశారు. దేశవ్యాప్తంగా 11.5 లక్షల మంది రిజిస్టర్ చేసుకోగా, తెలుగు రాష్ట్రాల నుంచి రెండు లక్షల మంది హాజరవుతున్నారు. దేశవ్యాప్తంగా మెయిన్స్‌లో మంచి మార్కులు, స్కోర్ సాధించిన వారి నుంచి రిజర్వేషన్లు ఆధారితంగా 2,24,000 మందిని ఎంపిక చేసి అడ్వాన్స్ పరీక్షకు అనుమతిస్తారు. వారిలో 50వేల మందికి ర్యాంకులు ప్రకటించి, దేశవ్యాప్తంగా ఉన్న 23 ఐఐటిలు, 23 సిఎఫ్‌టిఐల్లో అడ్మిషన్లు కల్పిస్తారు. మెయిన్స్ ర్యాంకు ఆధారంగా దేశవ్యాప్తంగా ఉన్న 31 ఎన్‌ఐటీల్లో అడ్మిషన్లు ఇస్తారు. 2017లో 11,86,454 మంది రిజిస్టర్ చేసుకోగా, 2016లో 11,94,938 మంది రిజిస్టర్ చేసుకున్నారు. 2015లో 13,04,495 మంది, 2014లో 13,56,805 మంది, 2013లో 12,82,000 మంది హాజరయ్యారు. 2017లో పేపర్-1ను 11,86,454 మంది రాయగా, అందులో 8,56,897 మంది పురుషులు, 3,29,554 మంది స్ర్తిలు ఉన్నారు. వీరిలో ఆఫ్ లైన్‌లో 9,56,716 మంది రాయగా, ఆన్‌లైన్‌లో 1,65,635 మంది హాజరయ్యారు. వీరి నుంచి అడ్వాన్స్ పరీక్షకు 2,21,427 మంది అర్హత సాధించగా, వారిలో 1,59,540 మంది హాజరైతే, 50,455 మందికి ర్యాంకులు ప్రకటించారు. తెలంగాణలో హైదరాబాద్, కరీంనగర్, ఖమ్మం, మహబూబ్‌నగర్, నల్గొండ, వరంగల్ పట్టణాల్లో కంప్యూటర్ ఆధారితంగానూ, హైదరాబాద్, వరంగల్, ఖమ్మంలో ఆఫ్‌లైన్‌లోనూ పరీక్ష జరుగుతుంది. ఆంధ్రలో అనంతపురం, బాపట్ల, భీమవరం, చిత్తూరు, ఏలూరు, గుంటూరు, కడప, కాకినాడ, కర్నూలు, నెల్లూరు, ఒంగోలు, రాజమండ్రి, శ్రీకాకుళం, తాడేపల్లిగూడెం, తిరుపతి, విజయవాడ, విశాఖపట్టణం, విజయనగరం పట్టణాల్లో ఆన్‌లైన్ పరీక్ష జరుగుతుంది. ఇందులో గుంటూరు, తిరుపతి, విజయవాడ, విశాఖపట్టణంలలో ఆఫ్‌లైన్ పరీక్ష జరుగుతుంది. 8న ఉదయం 9.30 నుంచి మధ్యాహ్నం 12.30 వరకూ పేపర్ -1 జరుగుతుంది. బి ఆర్కిటెక్చర్, బి ప్లానింగ్ పరీక్షలు పేపర్-2 మధ్యాహ్నం 2 నుంచి 5 గంటల వరకూ జరుగుతుంది. పరీక్ష జవాబుల కీ ఏప్రిల్ 24న విడుదల చేస్తారు. స్కోర్‌లను ఏప్రిల్ 30న ప్రకటిస్తారు. అఖిల భారత ర్యాంకులను మే 31న ప్రకటిస్తారు.
ఎమ్సెట్ నిర్వహణకు భారీ ఏర్పాట్లు
ఎమ్సెట్ నిర్వహణకు భారీ ఏర్పాట్లు చేసినట్టు జెఎన్‌టియు హైదరాబాద్ విసి ప్రొఫెసర్ ఎ వేణుగోపాల్‌రెడ్డి, కన్వీనర్ ప్రొఫెసర్ ఎ యాదయ్య తెలిపారు. పరీక్ష మే 2 నుంచి 7 వరకూ ప్రతి రోజు రెండు సెషన్స్‌లో జరుగుతుందన్నారు. మే 2, 3 తేదీల్లో అగ్రికల్చర్, 4, 5, 7 తేదీల్లో ఇంజనీరింగ్ ప్రవేశ పరీక్ష జరుగుతుంది, తొలిసారి ఆన్‌లైన్‌లో నిర్వహిస్తున్నామన్నారు. ఇందుకు ప్రాక్టీస్ టెస్టులకు కూడా వీలుకల్పించామని వెల్లడించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.