రాష్ట్రీయం
..ముందుచూపు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 8: రాష్టవ్య్రాప్తంగా గ్రామగ్రామాన కంటి పరీక్షల నిర్వహణకు వైద్య ఆరోగ్యశాఖ సన్నద్ధం కావాలని సీఎం కే చంద్రశేఖర్‌రావు ఆదేశించారు. ఇందులో భాగంగా అవసరమైన వారికి కంటి అద్దాలు, మందులు ఉచితంగా అందించాలన్నారు. ఈ మహా యజ్ఞం కోసం ఎన్ని శిబిరాలు, బృందాలు అవసరమవుతాయో ముందుగా ప్రణాళిక రూపొందించుకోవాలని సీఎం ఆదేశించారు. ప్రగతి భవన్‌లో ఆదివారం వైద్య ఆరోగ్య మంత్రి లక్ష్మారెడ్డి, ప్రభుత్వ ముఖ్య సలహాదారు రాజీవ్ శర్మ, వైద్య ఆరోగ్యశాఖ ముఖ్య కార్యదర్శి శాంతకుమారి, సీనియర్ ఐఏఎస్ వాకాటి కరుణ తదితరులతో సిఎం కేసిఆర్ ఉన్నతస్థాయి సమావేశం నిర్వహించారు. ‘కంటి పరీక్షల అనంతరం అవసరమైన వారికి అద్దాలు, మందులు ఉచితంగా పంపిణీ చేయాలి. శస్త్ర చికిత్సలు అవసరమైన వారిని గుర్తించి ఆస్పత్రులకు రిఫర్ చేయాలి. ప్రభుత్వ ఆస్పత్రులలోనే కాకుండా ప్రైవేట్ ఆస్పత్రుల్లోనూ ఆపరేషన్లు నిర్వహించాలి’ అన్నారు. కంటి పరీక్షల నిర్వహణకు అవసరమైన పరికరాలను
ముందుగానే సమకూర్చుకోవాలన్నారు. రాష్ట్రంలో ప్రస్తుతం 900 వైద్య బృందాలు మాత్రమే అందుబాటులో ఉండటంతో అవసరమైన పక్షంలో ఇరుగు, పొరుగు రాష్ట్రాలకు చెందిన వైద్యుల సేవలనూ ఉపయోగించుకోవాలని సీఎం సూచించారు. గ్రామాలతోపాటు హైదరాబాద్ మహానగరం, ఇతర నగరాలు, మున్సిపాల్టీలలో కూడా ఏకకాలంలో కంటి పరీక్షల నిర్వహణకు ప్రణాళిలు రూపొందించుకోవాలని సూచించారు. ‘గ్రామాలు, పట్టణాల్లో చాలా మటుకు ప్రజలు కంటి జబ్బులతో బాధ పడుతున్నారు. కంటి పరీక్షలు చేయించుకునే వెసులుబాటు లేకపోవడం వల్లనో, నిర్లక్ష్యం వల్లనో, అవగాహన లేకపోవడం వల్లనో చికిత్సలకు దూరంగా ఉంటున్నారు. తమకు జబ్బువున్న విషయాన్ని కూడా గుర్తించకుండా నెట్టుకు వస్తున్నవారున్నారు. అలాంటి వారికి అవగాహన కల్పించాలి. ప్రభుత్వం పెద్దఎత్తున నిర్వహించబోయే కంటి పరీక్షలపై విస్తృత ప్రచారం చేపట్టాలి. ప్రతీ ఒక్కరూ వైద్య శిబిరానికి వచ్చేలా చైతన్యపరచాలి. ప్రజా ప్రతినిధులు, స్వచ్ఛంద సంస్థలు, యువజన సంఘాలు, మహిళా సంఘాలు కార్యక్రమంలో భాగస్వామ్యం కావాలి’ అని సీఎం సూచించారు. ఒకసారి కంటి పరీక్షలు నిర్వహించాక ప్రతీ ఒక్కరికీ కంటి చూపుపై స్పష్టత వస్తుందన్నారు. కంటి పరీక్షలపై అవగాహన కల్పించే బాధ్యత ప్రభుత్వానిదేదన్నారు. ప్రతీ గ్రామంలో ప్రతీ ఒక్కరికీ కంటి పరీక్షలు నిర్వహించడం అత్యంత క్లిష్టమైనపనే అయినప్పటికీ అధికార యంత్రాంగం చిత్తశుద్ధితో, అంకిత భావంతో యజ్ఞాన్ని వైద్య ఆరోగ్యశాఖ సారథ్యంలో విజయవంతం చేస్తుందన్న పూర్తి నమ్మకం తనకుందని కేసీఆర్ ఆశాభావం వ్యక్తం చేశారు.
చిత్రం..కంటి పరీక్షల నిర్వహణపై ఉన్నతస్థాయి సమావేశంలో మాట్లాడుతున్న సీఎం కేసీఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.