రాష్ట్రీయం
ఎన్ని అడ్డంకులు సృష్టించినా టీజేఎస్ ఆవిర్భావం ఆగదు
S ,7 à 8 RSCA (si SASPAS) et 6 cialis pharmacie cialis rapports de stage.
వికారాబాద్, ఏప్రిల్ 10: తెలంగాణ జన సమితి ఆవిర్భావాన్ని ఎన్ని అడ్డంకులు సృష్టించినా ఆపలేరని సమితి వ్యవస్థాపకుడు ప్రొఫెసర్ కోదండరాం అన్నారు. మంగళవారం జిల్లా కేంద్రంలోని సత్యభారతి ఫంక్షన్ హాలులో టీజేఏసీ జిల్లా గౌరవాధ్యక్షుడు చిగుళ్లపల్లి రమేష్ కుమార్ అధ్యక్షతన ఏర్పాటు చేసిన టీజేఎస్ ఆవిర్భావ సభ సన్నాహక సదస్సుకు ముఖ్యఅతిథిగా హాజరయ్యారు. కోదండరాం మాట్లాడుతూ పోరాడి సాధించుకున్న తెలంగాణలో అభివృద్ధి, సమస్యల పరిష్కారంపై సీఎంను అడిగే ధైర్యం లేని మంత్రులు, ఎమ్మెల్యేలు ఉన్నారని ఎద్దేవా చేశారు. పాలకుల నిర్లక్ష్యంతోనే వికారాబాద్ జిల్లా వెనుకబడిందని ఆందోళన వ్యక్తం చేశారు.
ప్రపంచంలోనే ప్రసిద్ధిగాంచిన నాపరాయి ఈ జిల్లాలో ఉన్నా ఉద్యోగాలు స్థానికేతరులకు వస్తున్నాయని, కంది పంటకు ప్రాముఖ్యత ఉన్నా కంది బోర్డు ఏర్పాటు కాలేదని వాపోయారు. కనీసం జిల్లాకు సాగునీరు తేవడంలోనూ ప్రభుత్వం విఫలమైందని, ప్రాణహితతో గోదావరి జలాలను జిల్లాకు తేవాల్సి ఉండగా రీడిజైన్ పేరుతో తేలేకపోయారని, కనీసం పాలమూరు-రంగారెడ్డి ప్రాజెక్ట్‌తోనైనా నీరు తెస్తారనుకుంటే నాలుగేళ్లలో అడుగు ముందుకు వేయలేదని ధ్వజమెత్తారు. మిగతా జిల్లాలో నాయకులు గట్టిగా మాట్లాడే నాయకులు ఉన్నందున పనులవుతున్నాయని, వికారాబాద్ జిల్లాలో ప్రశ్నించే ప్రజాప్రతినిధులే లేకుండా పోయారని పేర్కొన్నారు. ప్రభుత్వాన్ని నిలదీయని పిరికివారిని గెలిపించుకున్నామని జిల్లా బాధపడుతున్నారని చెప్పారు. 29న టీజేఎస్ ఆవిర్భావ సభకు అనుమతి ఇవ్వకపోతే కోర్టును ఆశ్రయిస్తామని స్పష్టం చేశారు. అణచివేత ధోరణితో టీజేఎస్‌ను ఆపలేరని, నిరంకుశత్వాన్ని పాతర వేసే రోజులు సమీపించాయని అన్నారు. టీజేఎస్ కమిటీ సభ్యుడు శ్రీశైల రెడ్డి మాట్లాడుతూ టీఆర్‌ఎస్ పాలనలో తెలంగాణ ఏర్పడిన తర్వాత ఎవ్వరూ సంతోషంగా లేరని అన్నారు. మరో సభ్యుడు రౌతు కనకయ్య మాట్లాడుతూ ప్రతిపక్షాలు లేకుండా చేయాలనుకున్న టీఆర్‌ఎస్ కోటలు బద్ధలు కొడతామని హెచ్చరించారు. కార్యక్రమంలో సన్నాహక కమిటీ సభ్యుడు చింతా స్వామి, టీజేఏసీ జిల్లా చైర్మన్ సోమశేఖర్, కన్వీనర్ గడ్డం రాంచందర్, టీవీవీ జిల్లా అధ్యక్షుడు టీ.నర్సింలు, పరిగి ఇన్‌చార్జి నాగేశ్వర్, మాణిక్‌రెడ్డి, నాయకులు విక్రం, యాదప్ప, మాజీ సర్పంచ్ ఆనందం, లాలయ్య, జగదీశ్ పాల్గొన్నారు.
టీజేఎస్‌లో చేరిక
పార్టీ ఆవిర్భావం కాకముందే మర్పల్లి, కోట్‌పల్లి, మైలార్‌దేవరంపల్లి గ్రామాలకు చెందిన టీఆర్‌ఎస్ నాయకులు పలువురు టీజేఎస్‌లో చేరారు. అంతకు ముందు పట్టణంలో ర్యాలీ నిర్వహించగా, టీజేఎస్ ఆవిర్భావ సభ ప్రచార చైతన్య రథాన్ని కోదండరాం ప్రారంభించారు.
చిత్రం..సదస్సులో మాట్లాడుతున్న కోదండరాం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.