రాష్ట్రీయం
ఎల్‌ఇడి పరుగులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: విద్యుత్ ఆదాకు ఎల్‌ఇడి బల్బులు వినియోగిస్తే సాలీనా ప్రతి వినియోగదారుడిపై విద్యుత్ భారం రూ.250 నుంచి రూ.550 వరకు తగ్గుతుందని సిఎం చంద్రబాబు అన్నారు. విద్యుత్ ఆదాపై ప్రజల్లో పెద్దఎత్తున చైతన్య కార్యక్రమాలు చేపట్టాలని ఆ శాఖ ఉన్నతాధికారులను ఆదేశించారు. ఆదివారం విద్యుత్ ఉన్నతాధికారులతో సమీక్ష జరిపారు. గుంటూరు, అనంతపురం, శ్రీకాకుళం, పశ్చిమగోదావరి జిల్లాల్లో ఎల్‌ఇడి బల్బుల పంపిణీ మొదటి దశవల్ల 421 ఎంయు విద్యుత్ ఆదా అయ్యిందన్నారు. ఎల్‌ఇడి బల్బుల మార్పిడి కేంద్రాలను 175 అసెంబ్లీ నియోజకవర్గాల్లో ఏర్పాటు చేయాలన్నారు. నాలుగు జిల్లాలో కేంద్ర విద్యుత్ శాఖ థర్డ్ పార్టీ ద్వారా 57,667 ఇళ్లలో సర్వే నిర్వహించిందన్నారు. సాలీనా ప్రతి ఇంట్లో 73.7 ఎంయు విద్యుత్ ఆదా అవుతున్నట్టు సర్వేలో వెల్లడైందన్నారు. ఈనెల 27న నెల్లూరులో జరిగే కార్యక్రమంలో కేంద్ర విద్యుత్ మంత్రి సర్వే నివేదికను విడుదల చేస్తారన్నారు. ప్రతి ఇంటికి విద్యుత్ ఆదా చేసే ఐదు స్టార్ల ఫ్యాన్లను వాయిదాల పద్ధతిలో ఇచ్చే పథకాన్ని రాష్టమ్రంతా అమలు చేస్తే బాగుంటుందన్నారు. దీనివల్ల 40 శాతం విద్యుత్ ఆదా అవుతుందన్నారు. ఎల్‌ఇడి బల్బులకు సంబంధించి 50 యూనిట్లలోపు విద్యుత్ వాడే వారికి సాలీనా రూ.213.7 పైసలు, 51-100 యూనిట్ల లోపువారికి రూ.383.2 పైసలు, 101- 200 యూనిట్లలోపు వాడే వినియోగదారులకు రూ.530.6 పైసలు ఆదా అవుతుందన్నారు. సమీక్ష సమావేశంలో ఇంధన శాఖ కార్యదర్శి అజయ్ జైన్, ఏపి ట్రాన్స్‌కో సిఎండి కె విజయానంద్, విద్యుత్ సలహాదారు కె రంగనాథం, ఏపి ట్రాన్స్‌కో ఫైనాన్స్ డైరెక్టర్ దినేష్‌కుమార్, డిస్కాంల చైర్మన్లు ఆర్ ముత్యాలరాజు, హెచ్‌వై దొర పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.