రాష్ట్రీయం
కాళేశ్వరం.. ఓ రికార్డు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 15: రాష్ట్ర ప్రభుత్వం ప్రతిష్ఠాత్మకంగా చేపట్టిన కాళేశ్వరం ప్రాజెక్టు నిర్మాణ రంగంలో అరుదైన రికార్డులను సొంతం చేసుకుంటోంది. 37 లక్షల ఎకరాలకు సాగునీరు అందించే లక్ష్యంతో చేపట్టిన ఈ ప్రాజెక్టు పనుల్లో శనివారం ఒక్కరోజే 7 వేల క్యూబిక్ మీటర్ల పని జరగడం అరుదైన రికార్డుగా నిలిచింది. వర్షాలు ప్రారంభమయ్యేలోగా ప్రాజెక్టుకు సంబంధించిన ప్రధానమైన పనులన్నీ పూర్తి కావాలని ముఖ్యమంత్రి కల్వకుంట్ల చంద్రశేఖర్‌రావు ఆదేశించడంతో రాత్రింబవళ్లు పనులు కొనసాగుతున్నాయి. వర్షాకాలం నాటికి కాళేశ్వరం నుంచి ఎల్లంపల్లికి నీటిని అందించాలని తన పర్యటన సందర్భంగా సీఎం సూచించడంతో ఆ దిశగా యుద్ధ ప్రాతిపదికన పనులు జరుగుతున్నాయి. సీఎం పర్యటనకు ముందు వరకు మేడిగడ్డ బ్యారేజీ పనులు రోజుకు సగటున 1169 క్యూబిక్ మీటర్ల కాంక్రీటు పనులు జరుగగా, ప్రస్తుతం ఇక్కడ 7 వేల క్యూబిక్ మీటర్ల పనులు జరగడం అసాధారణ రికార్డుగా ఇంజనీరింగ్ నిపుణులు కొనియాడుతున్నారు. పకడ్బందీ ప్రణాళిక, వివిధ శాఖలు, అధికారుల మధ్య సమన్వయం, అవసరమైన మేరకు యంత్ర పరికరాలు అందుబాటులో ఉండటం, కార్మికులు, ఇంజనీర్ల సంఖ్యను పెంచడం వల్లనే సాధ్యమైందని నీటిపారుదల శాఖ మంత్రి టి హరీశ్‌రావు విశే్లషించారు. మేడిగడ్డ బ్యారేజీ పనులను సీఎం కేసిఆర్ సందర్శించే నాటికి అక్కడ 77,946 క్యూబిక్ మీటర్ల పనులు జరుగగా, ప్రస్తుతం ఇది 5,39,361 క్యూబిక్ మీటర్లకు చేరుకుంది. సీఎం పర్యటన ముందు నిర్మాణ కార్మికుల సంఖ్య 1245 ఉండగా ప్రస్తుతం ఈ సంఖ్య 3065కు పెరిగింది. అలాగే ఇంజనీర్ల సంఖ్యను 112 నుంచి
162కు పెంచారు. ట్రాన్సిట్ మిక్సర్ల సంఖ్యను 25 నుంచి 85కు పెంచారు. ఎప్పటికప్పుడు సీఎం కేసిఆర్, సంబంధిత మంత్రి హరీశ్‌రావు ప్రాజెక్టు పనులను సమీక్షించడం వల్లనే అసాధారణ రికార్డులను సాధించగలిగామని మేడిగడ్డ నిర్మాణ సంస్థ ఎల్‌అండ్‌టీ ఆదివారం విడుదల చేసిన ఒక ప్రకటనలో పేర్కొంది. ఇదే వేగంతో ప్రాజెక్టును పూర్తి చేసి నీటిపారుదల రంగంలో ఆసియాలోనే రికార్డు నెలకొల్పబోతున్నామని మంత్రి హరీశ్‌రావు ధీమా వ్యక్తం చేశారు. కాళేశ్వరం ప్రాజెక్టుకు ఉన్న అంతర్‌రాష్ట్ర అభ్యంతరాలు తొలిగిపోవడం, కేంద్ర ప్రభుత్వం నుంచి ఎప్పటికప్పుడు అనుమతులు లభించడం, వివిధ శాఖల మధ్య సమన్వయం, కార్మికుల నిరంతర శ్రమ, ఇంజనీరింగ్ అధికారుల అంకితభావం వెరసి కాళేశ్వరం ప్రాజెక్టు నిర్మాణ రంగ చరిత్రను తిరగరాస్తుందని మంత్రి హరీశ్‌రావు సంతోషం వ్యక్తం చేసారు.
చిత్రం..నాగులమల్యాల వద్ద ఆదివారం ఫీడర్ చానల్ పనులకు శంకుస్థాపన చేస్తున్న హరీశ్‌రావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.