తెలంగాణ
దండకారణ్యంలో ఎదురుకాల్పులు
S ,7 à 8 RSCA (si SASPAS) et 6 cialis pharmacie cialis rapports de stage.
చర్ల, జూలై 24: గత కొంతకాలంగా నిశ్శబ్దంగా ఉన్న భద్రాద్రి కొత్తగూడెం జిల్లాలో పోలీసులకు, మావోయిస్టులకు మధ్య తిరిగి కాల్పులు చోటు చేసుకున్నాయి. భద్రాచలం ఏజెన్సీ చర్ల మండల పరిధిలోని దండకారణ్యంలో మంగళవారం జరిగిన ఎన్‌కౌంటర్‌లో మావోయిస్టు దళ కమాండర్ మృతిచెందాడు. చర్ల మండల పరిధిలోని కుర్నపల్లి పంచాయితీ సమీపంలో ఉన్న నిమ్మలగూడెం - పుట్టెపాడు గ్రామాల మధ్య దండకారణ్యంలో గత మూడురోజులుగా స్పెషల్‌పార్టీ, కోబ్రా, సీఆర్‌పీఎఫ్ బలగాలు సంయుక్తంగా కూంబింగ్ నిర్వహిస్తున్నాయి. మంగళవారం మధ్యాహ్నం 3 గంటల సమయంలో వీరికి మావోయిస్టులు తారసపడ్డారు. ఇరువర్గాల మధ్య కాల్పులు జరిగాయి. కాల్పుల్లో ఎల్‌వోఎస్ కమాండర్ సుంకరి రాజ్‌కుమార్ అలియాస్ అరుణ్(38) మృతి చెందగా మరో ముగ్గురు మావోయిస్టులకు తీవ్ర గాయాలైనట్లు సమాచారం. మృతి చెందిన అరుణ్ జయశంకర్ భూపాలపల్లి జిల్లా దూదేకులపల్లి గ్రామానికి చెందిన వాడని తెలుస్తోంది. మృతదేహం వద్ద 303 తుపాకీ, నిత్యావసర సామాగ్రి లభ్యమయ్యాయి. మృతదేహాన్ని ట్రాక్టర్‌లో సత్యనారాయణపురం బేస్‌క్యాంపుకు తీసుకొచ్చి పోస్టుమార్టం నిమిత్తం భద్రాచలం ఏరియా ఆసుపత్రికి తరలించారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.