ఆ కుటుంబానికే తెలంగాణ వచ్చిన సంతృప్తి

హైదరాబాద్, మే 8: తెలంగాణ వచ్చిన తరువాత ఏ ఒక్కరూ సంతృప్తిగా లేరని, కేవలం కేసీఆర్ కుటుంబ సభ్యులే ఆనందంగా ఉన్నారని సీపీఐ రాష్ట్ర కార్యదర్శి చాడ వెంకటరెడ్డి విమర్శించారు. మంగళవారం పార్టీ ప్రధాన కార్యాలయంలో ఏర్పాటు చేసిన విలేఖరుల సమావేశంలో గత మూడు రోజులుగా నిర్వహించిన కౌన్సిల్ సమావేశాల్లో తీసుకున్న నిర్ణయాలను వెల్లడించారు. రాబోయే ఎన్నికల సన్నద్ధానికి ప్రత్యేక కార్యాచరణ రూపొందించినట్టు చెప్పారు. ఇందు కోసం ఇటీవలే ముగిసిన జాతీయ, రాష్ట్ర మహాసభల్లో తీసుకున్న నిర్ణయాల అమలు సక్రమంగా సాగేలా చూడాలని శ్రేణులకు సూ చించామని చెప్పారు. రాష్ట్రంలో పరిస్థితి దారుణంగా ఉందని, అధికార పార్టీ కి అనుబంద సంస్థ అయిన యూనియన్‌నే ధర్నాకు దిగడమే ఇందుకు నిదర్శనమని అన్నారు. ఓటుకు నోటు, నరుూం కేసులను అవసరానికి వినియోగించుకోవాలని కేసీఆర్ చూస్తున్నారని విమర్శించారు. రాష్ట్రంలో ప్రత్యామ్నా య రాజకీయ విధానం ఏర్పాటు కోసం వివిధ పార్టీలో చర్చిస్తున్నట్టు చెప్పా రు. స్థానిక సంస్థల ఎన్నికల్లో అత్యధిక సీట్లు సాధించడమే లక్ష్యంగా ముం దుకు సాగుతున్నట్టు చెప్పారు. తాగునీటి ఎద్దడిని నివారించేందుకు రూ. 1000 కోట్లు కేటాయించాలని డిమాండ్ చేశారు. ఎస్సీ, ఎస్టీ అట్రాసిటీపై సుప్రీం కోర్టు ఇచ్చిన తీర్పును పునఃసమీక్షించాలన్నారు. అత్యాచారాలకు పాల్పడుతున్న వారికి కఠిన యావజ్జీవ కారాగార శిక్షణ విధించాలని తీర్మానించినట్టు చెప్పా రు. జూన్ 2న రాష్టవ్య్రాప్తంగా అమరవీరుల ఆకాంక్షల సాధ న దినాన్ని జరపనున్నట్టు తెలిపారు. జూన్ 1న కళాబృందాలచే కార్యక్రమా లు ఉంటాయని, మరుసటి రోజు సాధన దినోవ్సాన్ని నిర్వహిస్తామన్నారు.