బిజినెస్
త్వరలో ‘కింగ్‌ఫిషర్’ ఆస్తుల అమ్మకం!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 19: తమ బకాయిల్లో కొంతమేరకైనా రాబట్టుకోవడం కోసం నష్టాల్లో కూరుకుపోయిన కింగ్‌ఫిషర్ ఎయిర్‌లైన్స్‌కు చెందిన ఆస్తులను అసెట్ రీకన్‌స్ట్రక్షన్ కంపెనీస్(ఎఆర్‌సిఎస్)కు విక్రయించాలని కనీసం నాలుగు బ్యాంకులు అనుకుంటున్నాయి. కింగ్‌ఫిషర్ ఎయిర్‌లైన్స్‌నుంచి రావలసిన రూ 6,963 కోట్ల బకాయిలను రాబట్టుకోవడానికి ఎస్‌బిఐ నేతృత్వంలోని 17 బ్యాంకుల కన్సార్టియం అష్టకష్టాలు పడుతోంది. తమ అధీనంలో ఉన్న కింగ్‌ఫిషర్ ఎయిర్‌లైన్స్‌కు చెందిన ఆస్తుల ద్వారా కొంత విలువనైనా రాబట్టుకోవడానికి వాటిలో కొంత వాటాలను ఎఆర్‌సిఎస్‌కు విక్రయించాలని కనీసం మూడు, నాలుగు బ్యాంకులు యోచిస్తున్నాయని సంబంధిత వర్గాలు తెలిపాయి. ఆ బ్యాంకులేవో వెల్లడించడానికి నిరాకరించిన ఈ వర్గాలు ఈ బ్యాంకులు లాభనష్టాలను బేరీజు వేస్తున్నాయని, అసెట్ రీకన్‌స్ట్రక్షన్ కంపెనీస్‌తో చర్చలు జరుపుతున్నాయని తెలిపాయి. ఈ వారం ప్రారంభంలో ఈ కన్సార్టియంలో ఒకటయిన పంజాబ్ నేషనల్ బ్యాంక్ కింగ్ ఫిషర్ ఎయిర్‌లైన్స్‌ను, దాని గ్యారంటీర్లు విజయణ మాల్యను, యునైటెడ్ బ్రూవరీస్ లిమిటెడ్‌ను విల్‌ఫుల్ డిఫాల్టర్‌గా ప్రకటించడం తెలిసిందే. ఇంతకుముందు యునైటెడ్ బ్యాంక్ ఆఫ్ ఇండియా, ఎస్‌బిఐ కూడా ఇదే పని చేశాయి. రిజర్వ్ బ్యాంక్ గైడ్‌లైన్స్ ప్రకారం ఒకసారి విల్‌ఫుల్ డిఫాల్టర్‌గా ప్రకటించాక అలాంటి రుణగ్రహీతలకు ఏ బ్యాంకులు లేదా ఆర్థిక సంస్థలనుంచి అదనపు సదుపాయాలు ఏమీ పొందడానికి వీలుండదు. అలాగే, విల్‌ఫుల్ డిఫాల్టర్ల జాబితానుంచి వాటి పేర్లను తొలగించిన తేదీనుంచి అయిదేళ్ల పాటు కొత్త వెంచర్లను ప్రారంభించడానికి ఎలాంటి సంస్థాగత ఆర్థిక సహాయం పొందడానికి కూడా వీలుండదు. కింగ్ ఫిషర్ ఎయిర్‌లైన్స్‌నుంచి ఎస్‌బిఐకి అత్యధికంగా రూ. 1600 కోట్లు బకాయిలు రావలసి ఉంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.