రాష్ట్రీయం
గవర్నర్ ప్రసంగం అడ్డుకుంటే ఏడాది సస్పెన్షన్?
S ,7 à 8 RSCA (si SASPAS) et 6 cialis pharmacie cialis rapports de stage.
ఎమ్మెల్యేలకు వర్తించనున్న కొత్త రూల్
స్పీకర్ అధ్యక్షతన రూల్స్ కమిటీ ప్రతిపాదన మరోసారి చర్చించాలని నిర్ణయం
హైదరాబాద్: అసెంబ్లీలో గవర్నర్ ప్రసంగించేప్పుడు ఎమ్మెల్యేలు ఆటంకపర్చేందుకు ప్రయత్నించినా, అడ్డుకున్నా ఏడాదిపాటు సభ నుంచి సస్పెన్షన్ వేటు తప్పదు. ఈమేరకు అసెంబ్లీలో కొత్త రూల్ రాబోతోంది. అసెంబ్లీ స్పీకర్ ఎస్. మధుసూదనాచారి అధ్యక్షతన సోమవారం అసెంబ్లీ ఆవరణలోని కమిటీ హాలులో రూల్స్ కమిటీ సమావేశమైంది. కమిటీకి స్పీకర్ మధుసూదనాచారి చైర్మన్‌గా ఉన్నారు. సభ్యులుగా ఉన్న రాష్ట్ర శాసనసభా వ్యవహారాల మంత్రి టి హరీశ్‌రావు, తెరాస తరఫున ప్రభుత్వ చీఫ్ విప్ కె ఈశ్వర్, బిజెపి శాసనసభాపక్షం నాయకుడు కె లక్ష్మణ్, మజ్లిస్‌పక్షం నాయకుడు అక్బరుద్దీన్ ఒవైసీ, కెపి వివేకానంద (తెదేపా), సున్నం రాజయ్య (సిపిఎం), అసెంబ్లీ కార్యదర్శి ఎస్ రాజాసదారామ్ తదితరులు హాజరయ్యారు. కాంగ్రెస్ సభ్యుడు గైర్హాజరయ్యారు. ఈ సందర్భంగా ప్రధానంగా అసెంబ్లీ సమావేశాలు సజావుగా నిర్వహించడానికి తీసుకోవాల్సిన చర్యలపైనే వారు చర్చించారు. బడ్జెట్ సమావేశాల సందర్భంగా ఉభయ సభలను (అసెంబ్లీ, కౌన్సిల్) ఉద్దేశించి గవర్నర్ ప్రసంగిస్తున్నప్పుడు విపక్షాల సభ్యులు పేపర్లు చింపి విసిరుతున్నారని, మైకులు విరిచేందుకు ప్రయత్నిస్తున్నారని, ఇటువంటి సంఘటనలతో అసెంబ్లీ గౌరవ ప్రతిష్టలకు విఘాతం కలుగుతోందని స్పీకర్ మధుసూదనచారి ఆందోళన వ్యక్తం చేశారు. అటువంటి వారిపై ఏడాదిపాటు సభనుంచి సస్పెండ్ చేయాలని మంత్రి హరీశ్‌రావు సూచించారు. దీంతో ఎమ్మెల్యేలు లక్ష్మణ్, రాజయ్య అనుమానాలు వ్యక్తం చేశారు. ఏదో రన్నింగ్ కామెంటరీ చేసినంత మాత్రాన సస్పెండ్ చేయడం భావ్యంకాదని ప్రస్తావించారు. అందుకు మంత్రి హరీశ్‌రావు ప్రతిస్పందిస్తూ వ్యాఖ్యలు చేసినంత మాత్రాన సస్పెన్షన్ ఉండదన్నారు. గవర్నర్ ప్రసంగిస్తున్నప్పుడు మైకు విరిచేందుకు ప్రయత్నించినా, చదివే పాఠాన్ని లాక్కోవడానికి ప్రయత్నించినా, గవర్నర్ సభలోకి వస్తున్నప్పుడు అడ్డుకునే ప్రయత్నం చేసినా సస్పెండ్ చేయాలని సూచించామన్నారు. దీనిపై క్షుణ్ణంగా మరోసారి చర్చించి నిర్ణయం తీసుకోవాలని విపక్షాల ఎమ్మెల్యేలు స్పీకర్‌ను కోరారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.