రాష్ట్రీయం
స్ర్తిల ఉపాధి అవకాశాలకు శిక్షణ
S ,7 à 8 RSCA (si SASPAS) et 6 cialis pharmacie cialis rapports de stage.
స్కిల్ డెవలప్‌మెంట్ కార్పొరేషన్ ఎండి గంటా సుబ్బారావు
హైదరాబాద్, నవంబర్ 30: ఉపాధి కోసం నైపుణ్యంతో గల్ఫ్ దేశాలకు వెళ్లేవారికి అవకాశాలు బాగున్నాయని, నైపుణ్యం లేకుండా వెళ్లేవారికి ఇబ్బందులున్నాయని ఎపి స్టేట్ స్కిల్ డెవలప్‌మెంట్ కార్పొరేషన్ మేనేజింగ్ డైరెక్టర్ గంటా సుబ్బారావు పేర్కొన్నారు. యుఎన్ ఉమన్ , ఎపిఎస్‌ఎస్‌డిసిల సంయుక్త ఆధ్వర్యంలో హైదరాబాద్‌లో నిర్వహిస్తున్న మూడు రోజుల సదస్సు ప్రారంభకార్యక్రమంలో గంటా సుబ్బారావు మాట్లాడుతూ జాతీయ స్థాయిలో ఉన్న నైపుణ్య అభివృద్ధి కార్పొరేషన్ మార్గదర్శనంలోనే ఆంధ్రప్రదేశ్‌లో స్కిల్ డెవలప్‌మెంట్ కార్పొరేషన్‌ను ఏర్పాటు చేశామని చెప్పారు. ‘లింగ వివక్ష-వలస-అభివృద్ధి: హక్కులు’ అనే అంశంపై ఈ సదస్సు విస్తృతంగా చర్చించనుంది. ఈ సందర్భంగా స్కిల్ డెవలప్‌మెంట్ కార్పొరేషన్ డైరెక్టర్ కె. లక్ష్మీనారాయణ మాట్లాడుతూ ఆంధ్రప్రదేశ్ ప్రభుత్వం వేగవంతమైన అభివృద్ధి, సంక్షేమంతో పాటు రెండంకెల వృద్ధి లక్ష్యంగా పరుగులు తీస్తోందని అన్నారు. సదస్సులో వివిధ శాఖల ప్రతినిధులు, కార్మికశాఖలో వలసల నిర్వహణా విభాగం, దేశాంతర వలసల్లో స్ర్తిశక్తి సంఘటన అంశాల్లో తర్ఫీదు ఇవ్వడం జరుగుతుందని అన్నారు. యుఎన్ ఉమెన్ ఆఫీసు డిప్యూటీ ప్రతినిధి పాట్రికా బరాండన్ మాట్లాడుతూ ముఖ్యమంత్రి చంద్రబాబునాయుడు తీసుకుంటున్న చర్యలను అభినందించారు. ఈ శిక్షణలో ప్రధానంగా వలసల నియంత్రణా యంత్రాంగాన్ని రూపొందించుకోవటం, సంక్లిష్ట పరిస్థితులు ఎదురైనప్పుడు సాక్ష్యాలు ఉండేట్లు చూసుకోవటం, విధాన రూపకల్పన, వీటిలో ఎవరి జోక్యం ఎప్పుడు ఉండాలి అనేది స్పష్టత... అనే అంశాలుంటాయని గంటా సుబ్బారావు పేర్కొన్నారు. అసంఘటిత రంగంలో విదేశాల్లో సేవలందించడానికి వలసలు వెళ్లేవారికి సంబంధించిన నియమ నిబంధనల విషయంలో భారతదేశంలో ఇప్పటివరకు ఒక సమగ్రమైన విధానమంటూ లేదని, దీనివలన వలస వెళ్లిన మహిళలు అనేక సమస్యల్లో చిక్కుకున్నప్పుడు పరిష్కారాలు, వీరిని విదేశాలకు పంపే బ్రోకర్ల దయాదాక్షిణ్యాలకు వదిలివేయాల్సిన పరిస్థితి ఏర్పడుతోందని అన్నారు. దీనివల్ల పలుమార్లు పరిస్థితి జఠిలంగా మారుతోందని, ఏది ఏమైనా వలస కార్మికుల్లో అట్టడుగు శ్రేణుల సమస్యలు ఎప్పటికీ కూడా అపరిష్కృతంగానే మిగిలిపోతున్నాయని చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.