తెలంగాణ
గాంధీభవన్‌లో దొంగ దీక్షలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 16: గాంధీ భవన్‌లో కాంగ్రెస్ నాయకులు దొంగ దీక్షలతో గోబెల్స్ ప్రచారం చేస్తున్నారని టిఆర్‌ఎస్ మండిపడింది. అన్ని రంగాల్లో తెలంగాణ రాష్ట్రాన్ని దేశంలోనే నంబర్ వన్ స్థానంలో నిలిచేలా చేయడంతో ఇక తమకు రాజకీయ భవిష్యత్ లేదన్న భయం కాంగ్రెస్ నాయకులను వెంటాడుతుందని టిఆర్‌ఎస్ విమర్శించింది. దేశంలోనే తెలంగాణ నంబర్ వన్ రాష్ట్రంగా ఏ విధంగా నిలువగలిగిందో 2018-19 వార్షిక బడ్జెట్ చాటి చెప్పిందని టిఆర్‌ఎస్ ఎమ్మెల్సీ కర్నె ప్రభాకర్ అన్నారు. టిఆర్‌ఎస్ శాసనసభా పక్షం కార్యాలయంలో శుక్రవారం కర్నె మాట్లాడుతూ, దేశ వృద్ధి రేటు కంటే తెలంగాణ రాష్ట్ర వృద్ధిరేటు మిన్నగా నిలిచిందన్నారు. టిఆర్‌ఎస్ ప్రభుత్వ హయాంలో రాష్ట్రం ఎంత గొప్పగా అభివృద్ధి సాధిస్తుందో బడ్జెట్ అద్దం పట్టిందన్నారు. బంగారు తెలంగాణగా రాష్ట్రాన్ని తీర్చిదిద్దడానికి ముఖ్యమంత్రి కేసిఆర్‌కున్న విజన్‌ను బడ్జెట్‌లో ప్రతిబింబించిందన్నారు. టిఆర్‌ఎస్‌లో చేరితే కాంట్రాక్టు పనులు ఇస్తామని తనను మభ్య పెట్టారని శాసనసభలో సభ్యత్వం కోల్పోయిన మాజీ ఎమ్మెల్యే సంపత్‌కుమార్ ఆరోపించడాన్ని ప్రభాకర్ తీవ్రంగా ఖండించారు. ఇలాంటి తెర వెనుక రాజకీయాలలో కాంగ్రెస్ నాయకులే సిద్ధహస్తులని కర్నె ఏద్దేవా చేసారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.