తెలంగాణ
ఫెడరల్ ఫ్రంట్‌లో మరో ముందడుగు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 17: కాంగ్రెస్, బిజేపీల నేతృత్వంలోని ఫ్రంట్‌లకు ప్రత్యామ్నాయంగా జాతీయ స్థాయిలో టిఆర్‌ఎస్ అధినేత కేసీఆర్ నేతృత్వంలో ఏర్పాటు కాబోతున్న ఫెడరల్ ఫ్రంట్‌కు మరో ముందడుగు పడింది. ఫెడరల్ ఫ్రంట్‌పై చర్చించడానికి మే మొదటి వారంలో భువనేశ్వర్ రావాల్సిందిగా ఒడిశా ముఖ్యమంత్రి నవీన్ పట్నాయక్ నుంచి సిఎం కేసిఆర్‌కు మంగళవారం ఆహ్వానం అందినట్టు ముఖ్యమంత్రి కార్యాలయం ఒక ప్రకటనలో పేర్కొంది. ఒడిశా రాష్ట్రంలో ప్రస్తుతం శాసనసభ సమావేశాలు జరుగుతుండటంతో మే మొదటి వారంలో భువనేశ్వర్‌కు రావాల్సిందిగా నవీన్ పట్నాయక్ చెప్పినట్టు పేర్కొన్నారు. ఫెడరల్ ఫ్రంట్‌పై ఇప్పటికే పశ్చిమబెంగాల్ ముఖ్యమంత్రి, తృణముల్ కాంగ్రెస్ అధినేత్రి మమతతో, బెంగళూరు వెళ్లి మాజీ ప్రధాని, జనతాదళ్ (సెక్యూలర్) అధినేత దేవెగౌడతో కేసీఆర్ చర్చించి వచ్చిన విషయం తెలిసిందే. జార్కండ్ మాజీ ముఖ్యమంత్రి హేమంత్‌కుమార్ సోరబ్ అయితే ఆయనే హైదరాబాద్‌కు వచ్చి సిఎం కేసీఆర్‌తో చర్చలు జరిపారు. ఒడిశాకు వెళ్లి వచ్చాక, మే మూడవ వారంలో చెన్నై వెళ్లి డిఎంకె అధినేత కరుణానిధి, ఆయన కుమారుడు స్టాలిన్‌తో కూడా కేసీఆర్ చర్చలు జరుపనున్నట్టు టీఆర్‌ఎస్ వర్గాల సమాచారం.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.