తెలంగాణ
ఉద్యోగులకు కొత్త వేతన సవరణ కమిషన్ ఏర్పాటు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 18: తెలంగాణ రాష్ట్రం ఏర్పడిన తర్వాత తొలి వేతన సవరణ కమిషన్‌ను ఏర్పాటు చేస్తూ ప్రభుత్వ ప్రధాన కార్యదర్శి ఎస్‌కె జోషి శుక్రవారం ఉత్తర్వులు జారీ చేసారు. రిటైర్డు ఐఏఎస్ అధికారి సిఆర్ బిస్వాల్ చైర్మన్‌గా కమిషన్‌ను ఏర్పాటు చేస్తూ, సభ్యులుగా రిటైర్డు ఐఏఎస్ అధికారులు సి ఉమామహేశ్వర్‌రావు, డాక్టర్ మహమద్ ఆలీ రఫత్‌ను నియమించినట్టు ఉత్తర్వుల్లో పేర్కొన్నారు. బాధ్యతలు స్వీకరించిన నాటి నుంచి మూడు నెలలలోపు కమిషన్ తన నివేదికను ప్రభుత్వానికి సమర్పించాల్సి ఉంటుందని ఉత్తర్వుల్లో పేర్కొంది. రాష్ట్ర ప్రభుత్వ ఉద్యోగులు, స్థానిక సంస్థలు, ఎయిడెడ్ సంస్థలు, విశ్వవిద్యాలయాలతో పాటు ప్రొఫెసర్ జయశంకర్ వ్యవసాయ విశ్వవిద్యాలయం, జవహార్‌లాల్ నెహ్రూ టెక్నాలాజికల్ విశ్వవిద్యాలయాలకు చెందిన బోధనేతర సిబ్బంది, వర్క్‌చార్జ్‌డ్ ఉద్యోగులు, ఫుల్ టైమ్ కాంటిజెంట్ ఉద్యోగులకు సంబంధించిన వేతనాలకు సవరణకు కమిషన్ సిఫారసులు సమర్పించాలని ఉత్తర్వుల్లో పేర్కొన్నారు. కరువు భత్యాన్ని ఏ మేరకు పెంచాలని సూచిస్తూనే కరువు భత్యాన్ని కలిపి వేతన సవరణకు సిఫారసు చేయాలని సూచించింది. పట్టణ ప్రాంతాల్లో చెల్లిస్తున్న ఇంటి అద్దె అలవెన్స్‌ను పరిగణనలోకి తీసుకుని మారుమాల ప్రాంతాలు, ఏజె న్సీ ప్రాంతాలతో పాటు జిల్లాల విభజన తర్వాత ఇతర ప్రాంతాల్లో పని చేస్తున్న వారికి కూడా ప్రయోజనం కల్పించే విధంగా ప్రత్యేక అలవెన్స్‌ను కూడా కమిషన్ సిఫారసు చేయాల్సి ఉంటుందని పేర్కొంది. ప్రస్తుత ఎల్‌టిసి విధానాన్ని సమీక్షించి సవరణలతో కొత్త ఎల్‌టిసి విధానాన్ని సిఫారసు చేయాలని సూచించింది. అలాగే ప్రస్తుత పెన్షన్ విధానాన్ని సమీక్షించి సానుకూలమైన విధానాన్ని సిఫారసు చేయాలని పేర్కొంది.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.