తెలంగాణ
కూటమి సీట్లపై కిరికిరి!
S ,7 à 8 RSCA (si SASPAS) et 6 cialis pharmacie cialis rapports de stage.
నల్లగొండ, అక్టోబర్ 28: మహాకూటమి పార్టీల్లో నెలకొన్న సీట్ల కేటాయింపు కిరికిరితో కాంగ్రెస్, టీడీపీ, టీజెఎస్, సీపీఐ నాయకత్వాలు సతమతమవుతున్నాయి. సీట్ల కేటాయింపులు, సర్ధుబాట్ల వ్యవహారం చూడాల్సిన కూటమి పెద్దన్న కాంగ్రెస్ పార్టీ ఉమ్మడి నల్లగొండ జిల్లాలోని పనె్నండు అసెంబ్లీ స్థానాల్లో కనీసం మూడు నుండి నాలుగు సీట్లు వదులుకోవాల్సిన పరిస్థితి ఉండటంతో కాంగ్రెస్ ఆశావహుల్లో నైరాశ్యం మొదలైంది. మిర్యాలగూడ నుండి టీఆర్‌ఎస్ సీటు దక్కక ఎన్నో ఆశలతో కాంగ్రెస్‌లో చేరిన అలుగుబెల్లి అమరేందర్‌రెడ్డికి టీజెఎస్ రూపంలో కాంగ్రెస్‌లో కూడా టికెట్ దక్కడం అసాధ్యంగా కనిపిస్తుంది. టీజెఎస్ అధినేత కోదండరామ్ మిర్యాలగూడ సీటును పార్టీ నేత గవ్వా విద్యాధర్‌రెడ్డి కోసం కోరుతున్నారు. అయితే ఈ సీటులో తన కుమారుడికి టికెట్ కోరిన జానారెడ్డి ఒక కుటుంబానికి రెండు టికెట్లు సాగర్, మిర్యాలగూడలలో ఇవ్వడానికి కాంగ్రెస్ అధిష్టానం వ్యతిరేకంగా ఉండటంతో మిర్యాలగూడ సీటును టీజెఎస్‌కు వదులాలని జానారెడ్డి భావిస్తున్నారు. అయితే జానారెడ్డి తన రాజకీయ పర్యవేక్షణలో ఉన్న మిర్యాలగూడలో టీజెఎస్ నుండి విద్యాధర్‌రెడ్డి కంటే గతంలో తెలంగాణ ఫిలీం చాంబర్స్ ఆఫ్ కామర్స్ అధ్యక్షుడిగా పనిచేసిన మేరెడ్డి విజయేందర్‌రెడ్డికి టికెట్ ఇచ్చే విషయమై కోదండరామ్ పరిశీలన చేయాలని జానారెడ్డి సూచించారని తెలుస్తుంది.
జానారెడ్డి వియ్యంకుడి సోదరుడైన విజయేందర్‌రెడ్డికి టీజేఎస్ టికెట్ కోసం జానా ప్రయత్నించినప్పటికి కోదండరాం సహా ఆ పార్టీ నాయకత్వం జానా ప్రతిపాదన పట్ల విముఖంగా ఉన్నట్లుగా టీజెఎస్ వర్గాల కథనం.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.