తెలంగాణ
మహిళల రక్షణకు కఠిన చట్టాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 29: మహిళల రక్షణకు కఠిన చట్టాలు ఉన్నాయని, వాటిపై అవగాహన పెంచుకుని వ్యవహరించాలని జాతీయ మహిళా కమిషన్ మాజీ అధ్యక్షురాలు లలిత కుమార మంగళం పేర్కొన్నారు. ఇనిస్టిట్యూట్ ఆఫ్ ఇన్‌క్లూజివ్ గవర్నెన్స్, రాంబావు మల్గీ ప్రబోధిని సంస్థలు సంయుక్తంగా నిర్వహించిన సదస్సు ముగింపు కార్యక్రమానికి ఆమె ముఖ్య అతిథిగా హాజరయ్యారు. పిల్లల్ని అప్రమత్తంగా ఉండమని చెప్పడం కంటే వారిని జవాబుదారీగా ఉండడం నేర్పించాల9ని సూచించారు. దేశం అంతా మహిళలపై వివక్ష ఒకే విధంగా ఉందని, ఎంత చదువుకున్నా గృహ హింస, కార్యాలయాల్లో లైంగిక వేధింపులు ఒకేలా ఉన్నాయని, చివరికి వ్యవసాయ పనులకు వెళ్లే మహిళలపై కూడా హింస ఉందని అన్నారు. ప్రతి ఒక్కరూ తాము మహిళలపై సక్రమంగా వ్యవహరించి, ఇతరులకు మార్గదర్శకంగా ఉన్నపుడే ఎదుగుతున్న తరం దానిని ఆచరిస్తుందే తప్ప మాటలతో వారిని ఆచరించమని చెబితే నిర్లక్ష్యం చేస్తారని పేర్కొన్నారు. ఇందుకోసం కేవలం మహిళలే కృషి చేస్తే సరిపోదని, పురుషుల సహకారం కూడా ఉండాలని, కుటుంబం విలువలతో ఎదగాలంటే ఇరువురి తోడ్పాటు అనివార్యమని అన్నారు. స్ర్తిలను గౌరవంగా సమాజం చూసినపుడే దేశం పరిఢవిల్లుతుందని అన్నారు. ప్రారంభ కార్యక్రమానికి ముఖ్య అతిథిగా ప్రొఫెసర్ మీనా హరిహరన్, ముఖ్యవక్తగా పి మురళీమనోహర్ హాజరయ్యారు. డాక్టర్ జయంతి కులకర్ణి, డాక్టర్ కే బాలరాజు మాట్లాడారు. విలువల పునరుత్పత్తి - విశ్వాసాన్ని పెంపొందించడం అంశంపై ఎన్ అశ్విని, ప్రొఫెసర్ టీ మృణాళిని మాట్లాడారు. లైంగిక వేధింపులకు పాల్పడితే ఎదురయ్యే సమస్యలపై సాగర్ నెవాసె, ఎం విజయాదేవి , టెక్నాలజీ వినియోగంతో ఎదురవుతున్న సమస్యలు, ప్రయోజనాలపై డాక్టర్ ఏ శైలజ, ఎన్‌ఎండీసీ డైరెక్టర్ ఉషాసింగ్ మాట్లాడారు. ముగింపు కార్యక్రమానికి ఇన్‌కం టాక్స్ ట్రిబ్యునల్ అపెలెట్ ట్రిబ్యునల్ జుడిషియల్ సభ్యురాలు పి మాధవి దేవి, సామాజిక కార్యకర్త ఎక్కా చంద్రశేఖర్ హాజరుకాగా, వర్కుషాప్ కన్వీనర్‌గా డాక్టర్ కే బాలరాజు వ్యవహరించారు.
చిత్రం..సదస్సులో మాట్లాడుతున్న కుమార మంగళం
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.