రాష్ట్రీయం
ప్రజారోగ్య పరిరక్షణలో పోలీసుల పాత్ర కీలకం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్(ఖైరతాబాద్): ప్రజా ఆరోగ్య పరిరక్షణలో పోలీసుల పాత్ర కీలకమని పబ్లిక్ హెల్త్ ఫౌండేషన్ ఆఫ్ ఇండియా అధ్యక్షుడు శ్రీనాథ్ రెడ్డి అన్నారు. తెలంగాణ రాష్ట్ర పోలీస్ అకాడమీ ఆధ్వర్యంలో సోమవారం అమీర్‌పేట సెస్ ఆడిటోరియంలో కేఎస్ వ్యాస్ మెమోరియల్ స్మారకోపన్యాసం ఇచ్చారు. ముఖ్య అతిథులుగా శ్రీనాథ్ రెడ్డి, డీజీపీ మహేందర్ రెడ్డి హాజరయ్యారు. వ్యాస్ సతీమణి అరుణ వ్యాస్‌తో కలిసి దివంగత వ్యాస్ విగ్రహానికి పూల మాలలు వేసి నివాళి అర్పించారు. శ్రీనాథ్ రెడ్డి ‘ఇండియా రోడ్ టూ యూనివర్సల్ కవరేజ్’ అనే అంశంపై స్మారకోపన్యాసం చేశారు. సమతుల అభివృద్ధికి యూనివర్సల్ హెల్త్ కవరేజ్ (యూహెచ్‌సీ) రూపొందించినట్టు చెప్పారు. ఈ కార్యక్రమంలో భాగంగా దేశంలో నేషనల్ హెల్త్ పాలసీ (ఎన్‌హెచ్‌పీ)ని 2017లో తీసుకువచ్చామని అన్నారు. ఇందులో భాగంగా దేశంలోని ప్రతి పౌరుడు ఆరోగ్యంగా జీవించేందుకు కావాల్సిన పరిస్థితులను అభివృద్ధి చేసేందుకు చర్యలు చేపడుతున్నట్టు తెలిపారు. స్వాతంత్య్రం వచ్చే నాటికి దేశంలో ఆయుఃప్రమాణం కేవలం 32 ఏళ్లుగా ఉండేదని అన్నారు. వైద్య సేవలు మెరుగుపడటంతో ఆయుః ప్రమాణం పెరిగినా ఆరోగ్యంగా జీవించలేక పోతున్నామని అన్నారు. పట్టణీకరణతో నానాటికి పెరుగుతున్న కాలుష్యం కారణంగా ఆనారోగ్యాల బారిన పడాల్సి వస్తుందని అన్నారు. పల్లెల నుంచి పట్టణాలకు చేరిన ఐదు సంవత్సరాల్లోనే బీపీ, షుగర్ వంటి దీర్ఘకాలిక వ్యాధుల బారిన పడుతున్నట్టు నివేదికలు వెల్లడిస్తున్నాయని చెప్పారు. ఆహార కాలుష్యం సైతం ప్రధాన భూమిక పోషిస్తుండగా, నిషేధిత డ్రగ్స్, పొగాకు వినియోగం, మద్యం వంటి వాటితో ఆరోగ్యాలు క్షిణిస్తున్నాయని తెలిపారు. కల్తీ మద్యం తాగి వందలాది మంది మృత్యువాత పడటం తీవ్ర ఆవేదన కలిగించే అంశం అన్నారు. ఈ నేపథ్యంలో పోలీస్ శాఖ కల్తీలు, నిషేధిత మాదక ద్రవ్యాలు, పొగాకు వంటివి సరఫరా చేస్తున్న వారిపై కఠిన చర్యలు తీసుకోవడం ద్వారా ప్రజల ఆరోగ్యాన్ని సంరక్షించవచ్చునని అన్నారు. విధి నిర్వహనలో దివంగత వ్యాస్‌ను ఆదర్శంగా తీసుకొని పోలీసులు చిత్తశుద్ధితో పనిచేసి ప్రజల మెప్పు పొందాలని డీజీపీ మహేందర్ రెడ్డి సూచించారు. ఈ సందర్భంగా మాజీ పోలీస్ ఉన్నతాధికారులు వ్యాస్‌తో ఉన్న అనుబంధాన్ని నెమరువేసుకున్నారు.
చిత్రం..తెలంగాణ రాష్ట్ర పోలీస్ అకాడమీ ఆధ్వర్యంలో సోమవారం అమీర్‌పేట సెస్ ఆడిటోరియంలో
జరిగిన కార్యక్రమంలో స్మారకోపన్యాసం చేస్తున్న వ్యాస్ సతీమణి అరుణా వ్యాస్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.