తెలంగాణ
వడదెబ్బకు ఇద్దరు మృతి
S ,7 à 8 RSCA (si SASPAS) et 6 cialis pharmacie cialis rapports de stage.
చౌటుప్పల్, మెట్‌పల్లి, మే 13: తెలంగాణలో వడదెబ్బకు ఇద్దరు మృతి చెందారు. యాదగిరి జిల్లా చౌటుప్పల్ మున్సిపాల్టీ పరిధిలోని లింగారెడ్డిగూడెం గ్రామానికి చెందిన రేషన్ డీలర్ కొరగోని చెన్నమ్మ (60) మంగళవారం వడదెబ్బకు గురై మరణించింది. గత మూడు రోజులుగా వడదెబ్బతో అస్వస్థతకు గురైన ఆమెను చికిత్సకు తరలించగా చికిత్స పొందుతూ మృతి చెందింది. అలాగే జగిత్యాల జిల్లా మెట్‌పల్లి పట్టణంలో వడదెబ్బతో 32 సంవత్సరాల యువకుడు మృతి చెందాడు. పట్టణంలోని శాంతినగర్ కాలనీకి చెందిన నాబాజీ బాలాజీకి భార్య విడాకులు ఇవ్వడంతో అప్పడి నుండి మద్యానికి బానిసయ్యాడు. సోమవారం మద్యం సేవించి పట్టణంలో వ్యవసాయ మార్కెట్‌యార్డులో పడిపోయాడు. ఎండతీవ్రంగా ఉండడంతో వడదెబ్బ తగిలి బాలాజీ మృతి చెందినట్టు ఎస్సై కిరణ్‌కుమార్ తెలిపారు. మృతుడి సోదరుని ఫిర్యాదు మేరకు కేసు నమోదు చేశామన్నారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.