రాష్ట్రీయం
తెలంగాణలో ప్రతి జిల్లాలో అంబేద్కర్ భవన్
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, జూన్ 16: ఏపీలో ఎస్సీ వర్గాలకు అందుబాటులో ఉన్న అంబేద్కర్ భవనాల మాదిరిగా తెలంగాణ రాష్ట్రంలో అన్ని జిల్లాల్లో ఇటువంటి భవనాలను ఏర్పాటు చేస్తామని టీ మంత్రి కొప్పుల ఈశ్వర్ అన్నారు. ఒక ప్రైవేటు కార్యక్రమంలో పాల్గొనేందుకు విశాఖ వచ్చిన ఆయన స్థానికంగా ఉన్న అంబేద్కర్ భవన్‌ను సందర్శించారు. అనంతరం విలేఖరులతో మాట్లాడారు.
విశాఖ నగరానికి నడిబొడ్డున సువిశాల ప్రాంగణంలో ఏర్పాటైన అంబేద్కర్ భవన్ ద్వారా అందుతున్న సౌకర్యాలను స్వయంగా పరిశీలించారు. ఎస్సీ విద్యార్థులు గ్రూప్ వన్, తదితర పోటీ పరీక్షలకు హాజరయ్యే విద్యార్థుల కోసం కోచింగ్ సెంటర్ నిర్వహణ, గ్రంథాలయం వంటి సదుపాయాలు భేష్‌గా ఉన్నాయని ప్రశంసించారు. పెద్ద విస్తీర్ణంలో ఏర్పాటు చేసిన ఏసీ హాల్‌లో ఫంక్షన్‌ల నిర్వహణకు వీలుగా ఉందని, జీవీఎంసీ పరిధిలో ఉన్న ఇటువంటి ప్రజాప్రయోజన భవనాలకు స్థానిక సంస్థలు పన్ను రాయితీ ఇస్తే మరింత మెరుగైన సేవలందించేందుకు అస్కారం ఉంటుందన్నారు. అనంతరం ప్రాంగణంలోనే ఉన్న అంబేద్కర్ మెమోరియల్ స్కూల్‌ను సందర్శించారు. మాజీ వైస్‌ఛాన్స్‌లర్ ప్రొఫెసర్ సింహాద్రి సారధ్యంలో నిర్వహిస్తున్న పాఠశాలలో సౌకర్యాలను పరిశీలించారు. విశాఖలో అంబేద్కర్ భవన్ మరింత సమర్ధవంతంగా సేవలందించేందుకు తన వంతు సాయంగా రూ.లక్ష విరాళంగా ఇచ్చేందుకు ముందుకు వచ్చారు. ఈ మొత్తంపై వచ్చే వడ్డీతో నిర్వహణకు వినియోగించాలని సూచించారు. కార్యక్రమంలో అంబేద్కర్ భవన్ అధ్యక్షుడు బొడ్డు కల్యాణ రావు, ఉపాధ్యక్షుడు గార సూర్యారావు, ఈసీ మెంబర్లు అలమండ ప్రసాద్, సీవీఆర్ మోహనరావు పాల్గొన్నారు.
చిత్రం... విశాఖలోని అంబేద్కర్ భవన్‌లో బుద్ధ విగ్రహం వద్ద తెలంగాణ మంత్రి కొప్పుల ఈశ్వర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.