రాష్ట్రీయం
అడుగంటుతున్న సాగర్
S ,7 à 8 RSCA (si SASPAS) et 6 cialis pharmacie cialis rapports de stage.
నాగార్జునసాగర్, జూన్ 16: నాగార్జున సాగర్ జలాశయం నీటి మట్టం కనీస నీటిమట్టం కంటే తగ్గుతూ దీన స్థితిలో ఉంది. సాగర్ జలాశయ నీటి మట్టం 590 అడుగులు కాగా కనీస నీటిమట్టం 510 అడుగులు. ప్రస్తుతం కనీస నీటి మట్టానికి మరో రెండు అడుగులు తగ్గి సాగర్ ఆయకట్టు రైతులలో ఆందోళన నింపుతోంది. ప్రస్తుతం తాగు నీటి అవసరాల నిమిత్తం కూడా సరిపోని పరిస్థితులలో సాగర్ జలాశయం ఉంది. కృష్ణానది యాజమాన్య బోర్డు సూచనల మేరకు సాగర్ జలాశయ కనీస మట్టం 510 అడుగుల నుండి ఐదు అడుగుల తగ్గేంతవరకు తాగు నీటి అవసరాలకు వినియోగించుకోవచ్చని చెప్పడంతో కనీస మట్టం నుండి రెండు అడుగులు తగ్గే వరకు ఇప్పటికే వినియోగించుకున్నారు. మరో మూడు అడుగులు మాత్రమే సాగర్ జలాశయానికి నీరు వచ్చేంతవరకు వినియోగించుకునే అవకాశం ఉంది. ప్రస్తుతం కుడి, ఎడమ కాలువలకు పూర్తిగా నీటిని నిలిపివేశారు. దీంతో పాటు ప్రధాన జల విద్యుత్ ఉత్పత్తి కేంద్రం నుండి కూడా ఎటువంటి నీరు విడుదల కావడం లేదు. ఎస్‌ఎల్‌బీసీ ద్వారా 825 క్యూసెక్కుల నీటిని విడుదల చేస్తున్నారు. ఎండ తీవ్రతకు జలాశయంలో 589 క్యూసెక్కుల నీరు రోజుకు సగటున ఆవిరైపోతోంది. ప్రస్తుతం శ్రీశైలం జలాశయంలో 806.30 అడుగుల నీటి మట్టం ఉండగా సాగర్ జలాశయంలో 508.20 అడుగులుగా ఉంది. ఇది 128.63 టీఎంసీలకు సమానం. జూన్ చివరి వారంలో కృష్ణానది ఎగువ ప్రాంతంలో వర్షాలు పడి నాగార్జున సాగర్, శ్రీశైలం ప్రాజెక్టులకు నీరు చేరితేనే సాగర్ ఆయకట్టు కాలువలకు నీరిచ్చే అవకాశం ఉంటుంది. గత ఐదు, ఆరు సంవత్సరాల నుండి చూసుకుంటే ప్రతి సంవత్సరం కూడా కృష్ణానది ఎగువ ప్రాంతంలో జూలై, అగస్టు మాసాల్లో వర్షాలు ఆలస్యంగా పడిన సందర్భాలున్నాయి. వర్షాలు సకాలంలో పడకుంటే సాగర్ ఆయకట్టు రైతాంగం తీవ్ర ఇబ్బందులకు గురి కావాల్సి వస్తుంది.
చిత్రం...508 అడుగులకు తగ్గిన సాగర్ నీటిమట్టం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.