తెలంగాణ
ఇక టిఆర్‌ఎస్‌కు చెడ్డ రోజులే!
S ,7 à 8 RSCA (si SASPAS) et 6 cialis pharmacie cialis rapports de stage.
నల్లగొండ, జూలై 16: ఎంపి గుత్తా సుఖేందర్‌రెడ్డి ఓ ఐరన్ లెగ్ అని, పదవుల కోసం మూడు పార్టీలు మారిన ఆయనను సిఎం కెసిఆర్ టిఆర్‌ఎస్‌లోకి చేర్చుకుని పెద్ద రాజకీయ పొరపాటు చేశారని సిఎల్పీ ఉపనేత, నల్లగొండ శాసనసభ్యుడు కోమటిరెడ్డి వెంకట్‌రెడ్డి విమర్శించారు. శనివారం నల్లగొండలోని తన నివాసంలో మాజీ ఎమ్మెల్యే చిరుమర్తి లింగయ్యతో కలిసి ఏర్పాటు చేసిన విలేఖరుల సమావేశంలో గుత్తాపై ఆయన నిప్పులు చెరిగారు. కాంగ్రెస్ ఎంపిగా గుత్తా పోటీ చేసినందునే 2009, 2014 ఎన్నికల్లో నల్లగొండ పార్లమెంటు పరిధిలో నలుగురు కాంగ్రెస్ ఎమ్మెల్యేలు గెలిచారంటూ గుత్తా చెప్పుకోవడం ఈ శతాబ్దపు పెద్ద జోక్‌గా వెంకట్‌రెడ్డి ఎద్దేవా చేశారు. 2004 ఎన్నికల్లో త చేతిలో ఓడిన గుత్తా తదుపరి ఎన్నికల్లో తననే గెలిపించానంటూ చెప్పుకోవడం విడ్డూరంగా ఉందన్నారు. నల్లగొండ ఉపఎన్నికతోనే టిఆర్‌ఎస్‌కు చెడ్డ రోజులు, కాంగ్రెస్‌కు మంచి రోజులు రాబోతున్నాయని ఈ ఎన్నికల్లో తెలంగాణలోనే అత్యధికంగా 6 లక్షల మెజార్టీతో కాంగ్రెస్‌ను గెలిపించడమే తన లక్ష్యమన్నారు.
చిత్రం.. విలేఖరుల సమావేశంలో మాట్లాడుతున్న కోమటిరెడ్డి వెంకట్‌రెడ్డి
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.