తెలంగాణ
కరీంనగర్ కలెక్టర్‌పై బదిలీ వేటు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: కరీంనగర్ కలెక్టర్ సర్ఫరాజ్ అహ్మద్‌పై బదిలీ వేటు పడింది. గద్వాల-జోగులాంబ జిల్లా కలెక్టర్ శశాంక్‌ను కరీంనగర్ కలెక్టర్‌గా నియమించి, సర్ఫరాజ్ ను ఎక్సైజ్ శాఖ కమిషనర్‌గా బదిలీ చేస్తూ ప్రభుత్వ ప్రధాన కార్యదర్శి ఎస్‌కే జోషి సోమవారం ఉత్తర్వులు జారీ చేశారు. వీరితో పాటు మరికొందరు ఐఏఎస్ అధికారులు కూడా బది లీ అయ్యారు. గద్వాల కలెక్టర్ శశాంక కరీంనగర్‌కు బదిలీ కావడంతో వనపర్తి కలెక్టర్ శే్వత మహంతికి గద్వాల కలెక్టర్‌గా పూర్తి బాధ్యతలు అప్పగించినట్టు ఉత్తర్వుల్లో పేర్కొన్నారు. అలాగే ఈ ఏడాది ఇంటర్మీడియట్ ఫలితాల్లో జరిగిన అవకతవకలపై తీవ్ర విమర్శలను ఎదుర్కొన్న అశోక్‌ను అక్కడి నుంచి ఇటీవల బదిలీ చేసి పోస్టింగ్ ఇవ్వలేదు. కాగా, తాజాగా జరిగిన బదిలీల్లో అశోక్‌ను మర్రి చెన్నారెడ్డి మానవ వనరుల అభివృద్ధి కేంద్రం అదనపు డైరెక్టర్ జనరల్‌గా నియమించి, ప్రస్తుతం అదనపు డీజీగా కొనసాగుతున్న బూసాని వెంకటేశ్వర్లును విపత్తుల నిర్వహణ శాఖ ముఖ్య కార్యదర్శిగా నియమించినట్టు ఉత్తర్వుల్లో పేర్కొన్నారు. ఇలాఉండగా కరీంనగర్ కలెక్టర్‌గా ఉన్న సర్ఫరాజ్ అహ్మద్ బది లీ వెనుక బలమైన కారణాలే ఉన్నా యి. బీజేపీకి చెందిన కరీంనగర్ ఎంపీ బండి సంజయ్, కలెక్టర్ సర్ఫరాజ్ అహ్మద్ మధ్య జరిపిన ఫోన్ సంభాషణ సామాజిక మాధ్యమాల్లో వైరల్ గా మారడం, దీనిపై ప్రభుత్వ ప్రధాన కార్యదర్శి జోషి వివరణ కోరిన విష యం తెలిసిందే. ఈ ఉదంతాన్ని తీవ్రం గా పరిగణించిన
ప్రభుత్వం సర్ఫరాజ్ అహ్మద్‌ను తాజాగా ఎక్సైజ్ కమిషనర్‌గా నియమించింది. గత శాసనసభ ఎన్నికల్లో కరీంనగర్ ఎమ్మెల్యేగా పోటీ చేసిన ప్రస్తుత బీజేపీ ఎంపీ బండి సంజయ్‌పై టీఆర్‌ఎస్ అభ్యర్థిగా ప్రస్తుత రాష్ట్ర మంత్రి గంగుల కమలాకర్ విజయం సాధించారు. ఈ ఎన్నికపై ఎన్నికల కమిషన్‌కు బండి సంజయ్ ఫిర్యాదు చేసిన నేపథ్యంలో ఈ అంశంపై కలెక్టర్ సర్ఫరాజ్ అహ్మద్‌తో ఫోన్‌లో మాట్లాడారు. ఆ సందర్భంగా జరిగిన ఫోన్ సంభాషణల్లో కలెక్టర్ తనకు వ్యతిరేకంగా ఎంపీకి సూచనలు, సలహాలు ఇచ్చారని మంత్రి గంగుల కమలాకర్ సీఎం కేసీఆర్‌కు ఫిర్యాదు చేశారు. ఈ అంశంపై ఇంటెలిజెన్స్ వర్గాల ద్వారా ప్రభుత్వం నివేదిక తెప్పించుకున్నాకే సర్ఫరాజ్‌పై బదిలీ వేటు వేసినట్టు తెలిసింది.
*చిత్రం...కరీంనగర్ కలెక్టర్ సర్ఫరాజ్ అహ్మద్
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.