తెలంగాణ
మూసీ రివర్‌ఫ్రంట్ అభివృద్ధి సంస్థ చైర్మన్‌గా సుధీర్‌రెడ్డి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: మూసీ రివర్‌ఫ్రంట్ డెవలప్‌మెంట్ కార్పొరేషన్ చైర్మన్‌గా ఎల్‌బీ నగర్ ఎమ్మెల్యే దేవిరెడ్డి సుధీర్‌రెడ్డిని నియమించాలని రాష్ట్ర ప్రభుత్వం నిర్ణయించింది. దీనికి సంబంధించి న ఉత్తర్వులపై ముఖ్యమంత్రి కే. చంద్రశేఖరరావు శనివారం సంతకం చేశారు. రాష్ట్ర కేబినెట్ హోదా కలిగిన ఈ పదవిలో సుధీర్‌రెడ్డి మూడేళ్లపాటు కొనసాగుతారు. సుధీర్‌రెడ్డి కాంగ్రెస్ పార్టీ నుండి ఎల్‌బీనగర్ ఎమ్మెల్యేగా గెలిచారు. కాంగ్రెస్ నుండి గెలిచిన ఎమ్మెల్యేలలో 12 మంది కొంతకాలం కిందట టీఆర్‌ఎస్‌లో చేరారు. వారిలో సుధీర్‌రెడ్డి ఒకరు. కాంగ్రెస్ నుండి టీఆర్‌ఎస్‌లో చేరిన ఎమ్మెల్యేలలో సబితారెడ్డి కి రాష్ట్ర విద్యా శాఖ మంత్రి పదవి కట్టబెట్టారు. ఇప్పుడు సుధీర్‌రెడ్డికి కేబినెట్ హోదా కల్పిస్తూ మూసీ రివర్‌ఫ్రంట్ డెవలప్‌మెంట్ కార్పొరేషన్ చైర్మన్ పదవి కట్టబెట్టారు. సమైక్య ఆంధ్రప్రదేశ్‌లో వైఎస్ రాజశేఖరరెడ్డి ముఖ్యమంత్రిగా పనిచేసిన సమయంలో సుధీర్‌రెడ్డి హైదరాబాద్ నగరాభివృద్ధి అథారిటీ (హుడా) చైర్మన్‌గా పనిచేశారు.
మూసీ నది అభివృద్ధికి ఇప్పటికే ప్రభుత్వం సమగ్ర ప్రణాళికను రూపొందించింది. గుజరాత్‌లోని సబర్మతి నది తీరప్రాంత అభివృద్ధి సంస్థ చక్కగా పనిచేస్తోంది. తెలంగాణ ప్రభుత్వం ఒక అధికారిక బృందాన్ని గతంలో గుజరాత్ పంపించింది. సబర్మతి
అభివృద్ధి కార్యక్రమాలను ఈ బృందం పరిశీలించి వచ్చింది. మూసీ నది కలుషితం కాకుండా చూడాలని, తెలంగాణ హైకోర్టు కూడా ప్రభుత్వాన్ని ఇటీవల ఆదేశించింది. కోర్టు ఆదేశాలను అమలు చేసేందుకు ప్రభుత్వం అవసరమైన చర్యలు తీసుకుంది. ఈ నేపథ్యంలో సుధీర్‌రెడ్డికి మూసీ అభివృద్ధి చైర్మన్ పదవి కట్టబెట్టారు.
*చిత్రం... ఎల్‌బీ నగర్ ఎమ్మెల్యే దేవిరెడ్డి సుధీర్‌రెడ్డి
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.