తెలంగాణ
వీఆర్‌ఏ ఉద్యోగాలను రెగ్యులరైజ్ చేయండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 10: నేరుగా నియామకం అయిన గ్రామ రెవెన్యూ సహాయకుల (విఆర్‌ఏ) సర్వీసును రెగ్యులరైజ్ చేయాలని, అవసరాన్ని అనుసరించి ఇతర శాఖల్లో తమ సేవలను ఉపయోగించుకోవాలని వీఆర్‌ఏలు డిమాండ్ చేస్తున్నారు. రాష్ట్ర వ్యాప్తంగా ఉన్న వీఆర్‌ఏలంతా లిఖిత పూర్వకంగా ప్రభుత్వానికి సోమవారం లేఖలు అందచేశారు. జిల్లాల వారీగా వీఆర్‌ఏల సంఘాల తరఫున కలెక్టర్లకు వినతిపత్రాలు ఇచ్చారు. ఈ వినతిపత్రాలను ముఖ్యమంత్రికి చేరేలా చూడాలని అన్ని జిల్లాల్లోనూ వీఆర్‌ఏల జిల్లా ప్రతినిధులు కోరారు. 2012 లో ఏపీపీఎస్‌సీ ద్వారా తాము నియామకం అయ్యామని, తమలో ఉన్నత చదువులు చదుకున్న వారు చాలా మంది ఉన్నారని గుర్తు చేశారు. వీఆర్‌ఏల సర్వీసును క్రమబద్దీకరిస్తామంటూ ముఖ్యమంత్రి కేసీఆర్ 2017 ఫిబ్రవరి 24 న మహాశివరాత్రి సందర్భంగా హామీ ఇచ్చారని గుర్తు చేశారు.
ముఖ్యమంత్రి హామీ ఇచ్చి మూడేళ్లు గడుస్తోందని, ఇప్పటికైనా తమ ఉద్యోగాలను రెగ్యులరైజ్ చేయాలంటూ వీఆర్‌ఏల రాష్ట్ర సంఘం అధ్యక్షుడు జిన్నారం వెంకటేశం యాదవ్, వ్యవస్థాపక అధ్యక్షుడు రమేష్ బహదూర్, గౌరవ అధ్యక్షుడు వింజమూరి ఈశ్వర్ కోరారు. ఈ మేరకు వీరు సోమవారం ఒక ప్రకటన విడుదల చేశారు. ముఖ్యమంత్రి కేసీఆర్ ప్రతిపాదిస్తున్న రెవెన్యూ కొత్త చట్టాన్ని తాము స్వాగతిస్తున్నామన్నారు. వెంటనే తమ సర్వీసులను రెగ్యులరైజ్ చేయాలని వారు వీఆర్‌ఏల సంఘం నేతలు కోరుతున్నారు.
*చిత్రం...ఖమ్మం కలెక్టర్‌కు వినతిపత్రం ఇస్తున్న వీఆర్‌ఏలు
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.