నేడు మంత్రివర్గ సమావేశం.. అసెంబ్లీ తేదీల ఖరారు

హైదరాబాద్, ఫిబ్రవరి 15: రాష్ట్ర మంత్రివర్గ సమావేశం ఆదివారం సాయంత్రం 4 గంటలకు నిర్వహించాలని ముఖ్యమంత్రి కేసీఆర్ నిర్ణయించారు. దీనికి సంబంధించి ఏర్పాట్లు చేయాల్సిందిగా ప్రభుత్వ ప్రధాన కార్యదర్శి సోమేష్ కుమార్‌ను ఆయన ఆదేశించారు. ఈ నెల 17వ తేదీన కేసీఆర్ జన్మదిన వేడుకలు జరగనున్నాయి. ఈ నేపథ్యంలో కేసీఆర్ రాష్ట్రంలో పలు అభివృద్ధి అంశాలను సమీక్షించనున్నారు. అలాగే వివిధ వర్గాలకు ఎన్నికల ముందు ఇచ్చిన హామీలపై పలు వరాలను ప్రకటిస్తూ కీలక నిర్ణయాలు తీసుకునే అవకాశం ఉంది. అసెంబ్లీ బడ్జెట్ సమావేశాల తేదీలను కూడా ఖరారు చేసే అవకాశం ఉంది.