తెలంగాణ
ఖాయిలాపడిన పరిశ్రమలకు మోక్షం ఎప్పుడు?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 13: ఖాయిలాపడిన అజంజాహి ఇండస్ట్రీస్, డిబిఆర్ మిల్స్, ప్రాగాటూల్స్, ఆటో అల్విన్, డక్కన్ గ్లాస్ ఫ్యాక్టరీ, ఐడిపిఎల్ కంపెనీ, హెచ్‌సియల్ వంటి కంపెనీలను తిరిగి తెరిపించేందుకు చర్యలు చేపట్టాలని టిఎన్‌టియుసి రాష్ట్ర అధ్యక్షుడు బిఎన్ రెడ్డి రాష్ట్ర ప్రభుత్వాన్ని డిమాండ్ చేశారు. అధికారంలోకి రాగానే వీటిని తెరిపించి నిరుద్యోగ యువకులకు ఉద్యోగ, ఉపాధి కల్పిస్తామని ఎన్నికలకు ముందు తెలంగాణ రాష్ట్ర సమితి హామీ ఇచ్చిందని ఆయన మంగళవారం విలేఖరుల సమావేశంలో తెలిపారు. కానీ అధికారం చేపట్టి రెండున్నర సంవత్సరాలైనా పట్టించుకోలేదని ఆయన విమర్శించారు. పైగా టిఆర్‌ఎస్ అధికారం చేపట్టిన తర్వాత నిజాం షుగర్స్, సిర్పూర్ కాగజ్ మిల్లు, వరంగల్‌లోని కమలాపూర్‌లో ఉన్న ఏపి రియాన్స్, ఐటిఐఆర్‌లను మూసి వేశారని ఆయన తెలిపారు. ఆటో అల్విన్ ప్రారంభిస్తే తక్కువ ఖర్చుతో బస్ బాడీలను నిర్మించుకోవడమే కాకుండా, కొత్త ఉద్యోగాలు వస్తాయని ఆయన వివరించారు. టిఆర్‌ఎస్ అధికారంలోకి వచ్చిన తర్వాత కాంట్రాక్ట్ ఉద్యోగాలు ఉండవని, ఉన్న వారిని పర్మినెంట్ చేస్తామని అన్నారని ఆయన గుర్తు చేశారు. కాబట్టి కాంట్రాక్ట్ ఉద్యోగులందరినీ రోస్టర్ ప్రకారం దసరా పండుగలోపు పర్మినెంట్ చేయాలని డిమాండ్ చేశారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.