తెలంగాణ
మానవత్వం చాటిన ‘సహృదయ’
S ,7 à 8 RSCA (si SASPAS) et 6 cialis pharmacie cialis rapports de stage.
వరంగల్, సెప్టెంబర్ 13: వరంగల్ నగరంలోని కాజీపేట సహృదయ వృద్ధాశ్రమ వ్యవస్థాపకుడు చోటు మరోసారి తన మానవత్వాన్ని చాటారు. సహృదయ వృద్ధాశ్రమంలో హన్మకొండ కుమార్‌పల్లి ప్రాంతానికి చెందిన ఐలోని బొందమ్మ (85) అనారోగ్యంతో మృతిచెందింది. ఈ మేరకు వారి బంధువులకు సమాచారం ఇచ్చినా ముందుకు రాకపోవడంతో సహృదయ వ్యవస్థాపకుడు చోటునే మంగళవారం ఆమెకు తలకొరివి పెట్టాడు. ఆ వృద్ధ మహిళ మృతదేహాన్ని తీసుకెళ్లేందుకు బంధువులు నిరాకరించడంతో బక్రీద్ పండుగ రోజు అయినప్పటికీ సహృదయ వ్యవస్థాపకుడు చోటు తలకొరివి పెట్టి మానవత్వాన్ని చాటుకున్నాడు. బొందమ్మకు భర్త చనిపోగా ఐదు సంవత్సరాల క్రితం కాజీపేట వృద్ధాశ్రమంలో చేరింది. ఇటీవల అనారోగ్యానికి గురికాగా మృతిచెందింది. గతంలో రంజాన్ పండుగ రోజు కూడా స్టేషన్‌ఘనపూర్ ప్రాంతానికి చెందిన కీర్తి శ్రీనివాస్ ఇదే వృద్ధాశ్రమంలో ఉంటుండగానే అనారోగ్యంతో మృతి చెందాడు. శ్రీనివాస్ చనిపోయిన విషయాన్ని వారి కుమారులకు తెలిపినప్పటికీ మృతదేహాన్ని తీసుకెళ్లేందుకు ఎవరూ ముందుకురాకపోవడంతో సహృదయ వ్యవస్థాపకురాలు యాకుబీ రంజాన్ పండుగను కూడా లెక్కచేయకుండా తలకొరివి పెట్టి తనలోని మానవత్వాన్ని నిరూపించుకొన్నాడు.
బొందమ్మ మృతదేహానికి తలకొరివి పెడుతున్న
సహృదయ వృద్ధాశ్రమ వ్యవస్థాపకుడు చోటు
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.