తెలంగాణ
విద్యుదాఘాతంతో ప్రభాస్ అభిమాని దుర్మరణం
S ,7 à 8 RSCA (si SASPAS) et 6 cialis pharmacie cialis rapports de stage.
నిజామాబాద్, అక్టోబర్ 23: సినీ హీరో ప్రభాస్ పుట్టిన రోజును పురస్కరించుకుని ఫ్లెక్సీని ఏర్పాటు చేస్తున్న క్రమంలో అతని అభిమాని ఒకరు విద్యుదా ఘాతానికి గురై మృతి చెందిన సంఘటన ఆదివారం నిజామాబాద్‌లో జరిగింది. ద్వారకానగర్‌కు చెందిన ప్రశాంత్(17) ఓ ప్రైవేట్ పాఠశాలలో తొమ్మిదవ తరగతి చదువుతున్నాడు. సినీ హీరో ప్రభాస్ వీరాభిమాని అయిన ప్రశాంత్ అతని పుట్టిన రోజు సందర్భంగా శుభాకాంక్షలు తెలియజేస్తూ ఫ్లెక్సీలను తయారు చేయించాడు. తన అభిమాన హీరో జన్మదినం కావడంతో ఆదివారం తెల్లవారుజామునే నిద్ర లేచి, ఉదయం 6గంటల ప్రాంతంలో హైదరాబాద్ రోడ్‌లోని దేవీ థియేటర్ చౌరస్తా వద్దకు చేరుకున్నాడు. అందరికీ కనిపించేవిధంగా ఫ్లెక్సీని ఏర్పాటు చేయాలనే ఆరాటంతో రోడ్డు పక్కన ఉన్న ట్రాన్స్‌ఫార్మర్ గద్దె పైకి ఎక్కాడు. ఫ్లెక్సీని కడుతున్న క్రమంలో ప్రమాదవశాత్తు ట్రాన్స్‌ఫార్మర్‌కు తగిలి విద్యుదాఘాతానికి గురై ప్రశాంత్ అక్కడికక్కడే మృతి చెందాడు. స్థానికుల ద్వారా ఈ సమాచారం తెలుసుకున్న కుటుంబీకులు పరుగుపరుగున సంఘటనా స్థలానికి చేరుకుని శవమై పడి ఉన్న ప్రశాంత్‌ను చూసి కన్నీరుమున్నీరుగా విలపించారు. మృతదేహాన్ని పోస్టుమార్టం నిమిత్తం ప్రభుత్వాసుపత్రి మార్చురీకి తరలించి, కేసు దర్యాప్తు చేస్తున్నట్లు వన్‌టౌన్ ఎస్‌ఐ తెలిపారు.
చిత్రం.. మృతుడు ప్రశాంత్
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.