రాష్ట్రీయం
పిచ్చుక మీద బ్రహ్మాస్తమ్రా? హోం గార్డులపై చర్యలా?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 31: పిచ్చుక మీద బ్రహ్మస్త్రంలా హోం గార్డులపై చర్యలు తీసుకోవటం దారుణమని సిపిఐ రాష్ట్ర కార్యదర్శి చాడ వెంకట్ రెడ్డి ఆందోళన వ్యక్తం చేశారు. ఈమేరకు ఆయన సోమవారం ముఖ్యమంత్రి కెసిఆర్‌కు లేఖ రాశారు. హోం గార్డులు పోలీసులతో సమానంగా పూర్తికాలం విధులు నిర్వహిస్తున్నప్పటికీ నెలసరి వేతనం కాకుండా దినసరి వేతనం చెల్లిస్తున్నారని ఆయన తెలిపారు. పట్ట్భద్రులు కూడా నిరుద్యోగ సమస్యతో హోం గార్డు ఉద్యోగాల్లో చేరారని ఆయన పేర్కొన్నారు. తెలంగాణ ఉద్యమ సమయంలో వారి సమస్యలపై మీరు స్వయంగా హామీ ఇచ్చారని ఆయన గుర్తు చేశారు. కాబట్టి వారి విషయంలో పెద్ద మనసుతో ఆలోచించి సమస్యలు పరిష్కరించాలనే తప్ప ఉద్యోగాల నుంచి తొలగించడం వంటి చర్యలకు పాల్పడరాదని ఆయన కోరారు.
సెంట్రల్ వర్శిటీలో
114 పోస్టుల భర్తీ
1053 దరఖాస్తులు ప్రారంభమైన స్క్రూటినీ
హైదరాబాద్, అక్టోబర్ 31: ప్రపంచంలోనే అగ్రగామి విశ్వవిద్యాలయంగా రూపాంతరం చెందిన హైదరాబాద్ సెంట్రల్ యూనివర్శిటీలో ఖాళీగా ఉన్న పోస్టుల భర్తీకి యాజమాన్యం చర్యలు చేపట్టింది. ప్రొఫెసర్లు, అసోసియేట్ ప్రొఫెసర్లు, అసిస్టెంట్ ప్రొఫెసర్ల పోస్టుల ఖాళీలు 114 గుర్తించి నోటిఫికేషన్ జారీ చేయగా 1053 దరఖాస్తులు వచ్చాయని తెలిసింది. వీరందరికీ నవంబర్ 1 నుండి వౌఖిక పరీక్షలు నిర్వహించనున్నారు. 30 ప్రొఫెసర్ పోస్టులకు 43, 43 అసోసియేట్ ప్రొఫెసర్ పోస్టులకు 170, 41 అసిస్టెంట్ ప్రొఫెసర్ పోస్టులకు 840 దరఖాస్తులు వచ్చాయి. మొత్తం ఖాళీల్లో 64 పోస్టులు వివిధ కేటగిరి అభ్యర్ధులకు రిజర్వు చేయగా, మిగిలిన 50 పోస్టులు జనరల్ అభ్యర్ధులతో భర్తీ చేస్తారు. కెమిస్ట్రీలో ఏడు పోస్టులకు 167 దరఖాస్తులు రాగా, ప్లాంట్ సైనె్సస్‌లో రెండు పోస్టులకు 129 దరఖాస్తులు వచ్చాయి. ఫిజిక్స్ విభాగంలో మూడు పోస్టులకు 98 దరఖాస్తులు, మేనేజిమెంట్ స్టడీస్‌లో రెండు పోస్టులకు 82 దరఖాస్తులు, కంప్యూటర్ అండ్ ఇన్ఫర్మేషన్ సైనె్సస్‌లో మూడు పోస్టులకు 71 దరఖాస్తులు వచ్చాయి. డిసెంబర్ చివరి వరకూ ఇంటర్వ్యూలను నిర్వహించి జనవరి మొదటి వారంలో నియామకాలు ఇచ్చేందుకు వీలుందని చెబుతున్నారు. ఈ ప్రక్రియ పూర్తికాగానే, అంతర్గత పదోన్నతులను పూర్తి చేస్తామని యూనివర్శిటీ అధికారి ఒకరు చెప్పారు. 556 సాంక్షన్ పోస్టులు ఉండగా, అందులో 400 మంది మాత్రమే పనిచేస్తున్నారని ఆయన చెప్పారు.
విత్తనాలకు లోటు లేదు
మంత్రి పోచారం
హైదరాబాద్, అక్టోబర్ 31: తెలంగాణ వ్యాప్తంగా రబీ సీజన్‌కు విత్తనాలకు లోటు లేదని, రైతులకు అవసరమైన విత్తనాలను సరఫరా చేయాలని వ్యవసాయ మంత్రి పోచారం శ్రీనివాసరెడ్డి ఆదేశించారు. రాష్ట్ర సచివాలయంలో సోమవారం ఆయన ఈ అంశంపై అధికారులతో సమీక్షించారు. ఇప్పటికే రూపొందించిన ప్రణాళిక ప్రకారం 4.85 లక్షల క్వింటాళ్ల విత్తనాన్ని రైతులకు అందించాలని, అదనంగా ఎక్కడైనా వేరుసెనగ, వరి, సెనగ, పప్పుదినుసులు, నూనె విత్తనాలు అవసరమైతే ఇవ్వాలని సూచించారు. ఏ ప్రాంతం రైతులు కూడా ఇక్కట్లకు గురికాకుండా చూడాలని ఆదేశించారు. ఈ సమావేశంలో వ్యవసాయ కార్యదర్శి పార్థసారథి, వ్యవసాయ కమిషనర్ ఎం. జగన్మోహన్ తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.