తెలంగాణ
ఉస్మానియాలో కిడ్నీ, లివర్ టవర్ ఏర్పాటు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 11: తెలంగాణ ప్రభుత్వం ఏర్పడిన తరువాత వైద్య రంగం గాడిలో పడిందని, ప్రజావైద్యానికి ప్రభుత్వం ప్రాధాన్యత ఇస్తోందని రాష్ట్ర వైద్య ఆరోగ్య శాఖ మంత్రి డాక్టర్ సి లక్ష్మారెడ్డి తెలిపారు. ఉస్మానియా మెడికల్ కాలేజీ అలుమ్ని (పూర్వ విద్యార్థుల) అసోసియేషన్ గ్లోబల్ మీట్ ముగింపు సమావేశంలో మంత్రి మాట్లాడారు. ఉస్మానియాలో చారిత్రకమైన పాత భవనాలకు ఎలాంటి ఇబ్బంది లేకుండా కొత్త భవనాల నిర్మాణం జరుగుతుందని చెప్పారు. కొత్త భవనాల నిర్మాణానికి ఉన్న అడ్డంకులు అన్నీ తొలగిపోయాయని, త్వరలోనే ముఖ్యమంత్రి భవనాలకు శంకుస్థాపన చేస్తారని మంత్రి తెలిపారు. కొత్త భవనాల నిర్మాణానికి పరిపాలనా పరమైన అన్ని అనుమతులు సిద్ధంగా ఉన్నట్టు చెప్పారు. ఉస్మానియాలో ఈ మధ్య కిడ్నీ, లివర్ పాంక్రియటిస్ వంటి అవయవ మార్పిడి శస్త్ర చికిత్సలు జరిగాయని, ఇంకా జరుగుతున్నాయని, ప్రభుత్వ ఆస్పత్రుల్లో ఇలాంటి ఆస్పత్రులు ఆసియాలోనే అరుదైనవని మంత్రి లక్ష్మారెడ్డి తెలిపారు. ఉస్మానియాలో కిడ్నీ, లివర్ టవర్స్‌ను ఏర్పాటు చేస్తామని, దీనితో ఇలాంటి ఆపరేషన్లకు మరింత ప్రోత్సహం లభిస్తుందని మంత్రి లక్ష్మారెడ్డి తెలిపారు. త్వరలోనే ఆధునిక వసతులతో మాడ్యులర్ ఆపరేషన్ థియేటర్స్‌ను ఏర్పాటు చేయనున్నట్టు చెప్పారు. అవయవ మార్పిడి కేంద్రాన్ని మరింతగా అభివృద్ధి చేయనున్నట్టు తెలిపారు. ఆవయవ మార్పిడి శస్త్ర చికిత్స తర్వాత రోగులకు లైఫ్ సేవింగ్ డ్రగ్స్‌ను ఉచితంగా అందజేయనున్నట్టు చెప్పా రు. వైద్య రంగంలో ఉస్మానియా ఇప్పటికే అనేక అవార్డులు దక్కించుకుందని అన్నారు. 12 కోట్ల రూపాయల నిధులతో ఉస్మానియాలో వైద్య పరిశోధన కేంద్రాన్ని ఏర్పాటు చేయనున్నట్టు లక్ష్మారెడ్డి చెప్పారు. వైద్యం మానవీయ కోణంలో జరగాలని అన్నారు. అవసరం లేకపోయినా ఆపరేషన్లు చేస్తున్నారనే వాదన బలంగా ఉందని, వైద్యులు దీన్ని నివారించాలని అన్నారు. రోగాలకు చికిత్స చేయడం కాదు, రోగాలు రాకుండా ముందే చర్యలు తీసుకోవడానికి ప్రభుత్వం ప్రాధాన్యత ఇస్తోందని, రోగాన్ని నివారించేందుకు ముందస్తుగా పరీక్షలు నిర్వహించే సౌకర్యాలను ఆస్పత్రుల్లో పెంచుతున్నట్టు చెప్పారు. రోగ నిర్ధారణ కేంద్రాలు, డయాలసిస్, క్యాన్సర్ కేంద్రాల విస్తరణపై దృష్టి పెట్టినట్టు చెప్పారు. హైదరాబాద్ చుట్టూ మరిన్ని ప్రభుత్వ ఆస్పత్రులను నిర్మించనున్నట్టు చెప్పారు. ప్రతిభ కనబరిచిన వైద్యులను ఈ సందర్భంగా మంత్రి సన్మానించారు. గ్లోబల్ మీట్‌లో డాక్టర్ మోహన్‌గుప్తా, డాక్టర్ రమణి, ఆస్పత్రి సూపరిండెంట్ జివిఎస్ మూర్తి, పూర్వ విద్యార్థులు, ప్రస్తుత విద్యార్థులు పెద్ద సంఖ్యలో పాల్గొన్నారు.
చిత్రం..సమావేశంలో రాష్ట్ర వైద్య ఆరోగ్య శాఖ మంత్రి డాక్టర్ సి లక్ష్మారెడ్డి
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.