తెలంగాణ
పెరుగుతున్న రోగులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 10: హైదరాబాద్‌లో శ్వాసకోశ నిపుణులు (పల్మనాలజీ), డయాబెటిక్, కీళ్ల వ్యాధి నిపుణులు (రుమాటిక్స్) వద్ద బాధితుల అపాయింట్‌మెంట్‌లు విపరీతంగా పెరిగాయని హెల్త్‌కేర్ మ్యాప్ ఇండియా రెండవ ఎడిషన్ సర్వే లో వెల్లడయింది. శ్వాసకోశ నిపుణులతో అపాయింట్మెంట్లలో 39 శాతం, మధుమేహ నిపుణులతో 38 శాతం, కీళ్ల వ్యాధి నిపుణులతో అపాయింట్మెంట్లలో 30 శాతం పెరుగుదల నమోదైంది. వేగంగా నగరీకరణ చెందడం, సామాజికంగా, ఆర్థికంగా వేగవంతమైన అభివృద్ధిని సాధించడం వంటి వాటి వల్ల గుండె సంబంధిత వ్యాధులు, దీర్ఘకాల శ్వాసకోశ వ్యాధులు, డయాబెటిస్, అధిక రక్తపోటు వంటి దీర్ఘకాల వ్యాధుల బారిన ప్రజలు పడుతున్నారని ప్రాక్టో సంస్థ పేర్కొంది. వాయు కాలుష్యం విపరీతంగా పెరుగుతోంది. దీని వల్ల పల్మనాలజిస్టులను సందర్శించే వారి సంఖ్య దేశం మొత్తం మీద 62 శాతం పెరింది. ఈ అపాయింట్మెంట్లను తీసుకుంటున్న వారిలో ప్రధానంగా 35 నుంచి 45 సంవత్సరాల మధ్య వయస్సు కలిగిన వారే అధికంగా ఉంటున్నారు. పల్మనాలజిస్టులను సందర్శించే వారి పెరుగుదల అధికంగా ఉన్న మొదటి మూడు నగరాల్లో ఢిల్లీలో 50 శాతం, ముంబయిలో 64 శాతం, బెంగళూరులో 80 శాతం, హైదరాబాద్‌లో 39 శాతం పెరిగింది. వాతావరణంలో ప్రమాదకరమైన విషవాయువుల కారణంగా తీవ్రమైన శ్వాసకోశ వ్యాధి, క్రానిక్ అబ్‌స్ట్రక్టివ్ పల్మనరీ (సిపిఓడి), ఇంటెస్టియల్ లంగ్ డిసీజ్ (ఐఎల్‌డి) వంటి ప్రధాన ఆరోగ్య సమస్యలు తలెత్తుతున్నాయని హార్ట్ అండ్ లంగ్ ఇనిస్టిట్యూట్ డైరెక్టర్ డాక్టర్ వినోద్ మిట్టల్ తెలిపారు. శ్వాస తీసుకునే వ్యాయామం చేయడం, ధూమపానం పూర్తిగా మానివేయాలని ఆయన కోరారు. దేశంలో డయాబెటాలజిస్టులను కలిసేవారి సంఖ్య 25 శాతం పెరిగింది. అపాయింట్‌మెంట్ కోరుతున్న వారిలో 70 శాతం మంది 25 నుంచి 44 ఏళ్ల మధ్య వయస్సు ఉన్న వారు కావడం విశేషం.
అధిక రక్తపోటుతో సాధారణంగా కార్డియాలజిస్టుల అపాయింట్‌మెంట్‌లు తీసుకుంటున్న వారిలో 40 శాతం పెరుగుదల ఉన్నదని, ఎక్కువ అపాయింట్మెంట్లను తీసుకున్న వారిలో 25 నుంచి 35 సంవత్సరాల మధ్య వయస్సు ఉన్న వారు ఎక్కువున్నారని బెంగళూరుకు చెందిన సీనియర్ కన్సల్టెంట్ కార్డియాక్ సర్జిన్ డాక్టర్ రమేశ్ శేషాద్రి పేర్కొన్నారు. స్పైన్ సర్జన్స్‌లో అపాయింట్‌మెంట్‌లో 31 శాతం పెరుగుదల నమోదైంది. 18 నుంచి 24 ఏళ్ల లోపు వారే ఈ అపాయింట్మెంట్లను తీసుకుంటున్నారు. కడుపునొప్పి సంబంధిత వ్యాధులతో బాధపడే వారు గ్యాస్ట్రో ఎంట్రాలజిస్టుల అపాయింట్మెంట్లలో 22 శాతం పెరుగుదల కనపడుతోందని హెల్త్‌కేర్ మ్యాప్ ఆఫ్ ఇండియా సర్వేలో వెల్లడైంది. హైదరాబాద్‌లో ఈ నిపుణుల వద్ద అపాయింట్‌మెంట్ల పెరుగుదల 24 శాతం వరకు ఉంది.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.