తెలంగాణ
హైదరాబాద్ ఐపిఎల్ మ్యాచ్‌కు అడ్మినిస్ట్రేటర్‌ను నియమించాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 7: వచ్చే నెలలో హైదరాబాద్‌లో జరగబోయే ఐపిఎల్ మ్యాచ్‌ల పర్యవేక్షణకు అడ్మినిస్ట్రేటర్‌ను నియమించాల్సిందిగా బిసిసిఐ హైకోర్టును కోరింది. జస్టిస్ లోధా కమిటీ సిఫార్సులను అమలు చేయాల్సిందిగా హైదరాబాద్ క్రికెట్ అసోసియేషన్‌ను ఆదేశించాల్సిందిగా నగరానికి చెందిన న్యాయవాది ఎం. గోవర్ధన్ రెడ్డి దాఖలు చేసిన ప్రజాప్రయోజనాల వ్యాజ్యాన్ని (పిల్) హైకోర్టు తాత్కాలిక ప్రధాన న్యాయమూర్తి రమేష్ రంగనాథన్, జస్టిస్ షమీమ్ అక్తర్‌తో కూడిన డివిజన్ బెంచ్ మంగళవారం విచారించింది. దీనిపై అఫిడవిట్ దాఖలు చేయాల్సిందిగా హైకోర్టు బిసిసిఐ తరపు న్యాయవాదిని ఆదేశించింది. ఐపిఎల్ మ్యాచ్‌ల నిర్వహణలో హైదరాబాద్ క్రికెట్ అసోసియేషన్ పాత్ర ఏ మేరకు ఉంటుందో బిసిసిఐ తరపు న్యాయవాది ప్రియదర్శన్ రెడ్డి కోర్టుకు తెలిపారు. మ్యాచ్‌ల సందర్భంగా ఒక్కో మ్యాచ్‌కు హెచ్‌సిఎకు 60 లక్షల రూపాయలు లభిస్తాయి కాబట్టి అన్ని రకాల వ్యయాన్ని ఇందులో నుంచే భరించాల్సి ఉంటుందని అన్నారు. భారత్ క్రికెట్ క్లబ్‌కు చెందిన న్యాయవాది మసూద్ ఖాన్ వాదనలు వినిపిస్తూ, హెచ్‌సిఎను ఎవరు నిర్వహిస్తున్నారన్న అనుమానాలు ఉన్నాయని తెలిపారు. ఈ కేసు విచారణను సోమవారానికి వాయిదా వేసింది.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.