తెలంగాణ
పోలీస్ బెటాలియన్లకు కొత్త కమాండెంట్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 1: తెలంగాణలో పోలీస్ బెటాలియన్లకు కొత్త కమాండెంట్లు నియమితులయ్యారు. హైదరాబాద్ యూ సుఫ్‌గూడ బెటాలియన్-1గా పనిచేస్తున్న జెఎస్ చౌహాన్ పదోన్నతిపై తెలంగాణ గ్రేహౌండ్స్ బెటాలియన్‌కు బదిలీ అయ్యారు. అదనపు సిఎంటి ఆక్టోపస్‌కు పనిచేస్తున్న సి సన్ని వరంగల్ జిల్లా మమ్నూర్ 4వ, బెటాలియన్‌గా పదోన్నతిపై బదిలీ అయ్యారు. అదేవిధంగా మమ్నూర్‌లో పనిచేస్తున్న అదనపు కమాండెంట్ ఎం శ్రీనివాస కుమార్‌ను 12వ, బెటాలియన్ నల్గొండకు బదిలీ చేశారు. రంగారెడ్డి జిల్లా కొండాపూర్‌లో 8వ, బెటాలియన్‌లో పనిచేస్తున్న ఎం సిద్దిఖీను ఆక్టోపస్ కమాండెంట్‌గా, వేణుగోపాల్‌ను జోగులాంబ జిల్లా పదో బెటాలియన్ కమాండెంట్‌గా నియమించారు. పోలీస్ అకాడమిలో అసిస్టెంట్ డైరెక్టర్‌గా పనిచేస్తున్న ఎఆర్ సునీల్ కుమార్‌ను టిఎస్‌పిఏలో కమాండెంట్‌గా బదిలీ చేశారు. గ్రేహౌండ్స్ అదనపు కమాండెంట్ బి రాంప్రకాష్‌ను 15వ బెటాలియన్ కమాండెంట్‌గా, 17వ బెటాలియన్ కమాండెంట్ ఎన్‌వి సాంబయ్యను నిజామామాద్ 7వ, బెటాలియన్‌కు బదిలీ చేశారు.
హైదరాబాద్ ఇంటెలిజెన్స్ అదనపు కమాండెంట్ జివిఎస్‌ఎన్ మూర్తిని ఇంటెలిజెన్స్ కమాండెంట్‌గా పూర్తి బాధ్యతలు ఇచ్చారు. డిచ్‌పల్లి 7వ బెటాలియన్ కమాండెంట్ హెచ్ సత్యనారాయణ రావును కొండాపూర్ 8వ, బెటాలియన్‌కు, నిజామాబాద్ ఏడవ బెటాలియన్ కమాండెంట్ వై శ్రీనివాసరావును హైదరాబాద్ యూసుఫ్‌గూడ ఒకటవ బెటాలియన్‌కు బదిలీ చేశారు. ఈమేరకు హోంశాఖ ప్రిన్సిపల్ సెక్రటరీ రాజీవ్ త్రివేది ఉత్తర్వులు జారీ చేశారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.