తెలంగాణ
కాంగ్రెస్ విజయానికి కృషి చేయాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 9: రాబోయే అసెంబ్లీ ఎన్నికల్లో కాంగ్రెస్ పార్టీ అభ్యర్థుల గెలుపునకు ఎన్‌ఎస్‌యుఐ కృషి చేయాలని టిపిసిసి వర్కింగ్ ప్రెసిడెంట్ భట్టి విక్రమార్క పిలుపునిచ్చారు. ఆదివారం గాంధీభవన్‌లో నిర్వహించిన ఎన్‌ఎస్‌యుఐ 46వ ఆవిర్భావ దినోత్సవ వేడుకల్లో పాల్గొని ఆయన ఎన్‌ఎస్‌యుఐ జెండా ఎగురవేశారు. ఈ సందర్భంగా మాట్లాడుతూ ఎన్‌ఎస్‌యుఐలో పుట్టిన కెసిఆర్ ఇప్పుడు కాంగ్రెస్‌నే విమర్శిస్తున్నారని అన్నారు. కెటిఆర్‌ను ఓ కుర్రకుంకగా అభివర్ణిస్తూ విద్యార్థి సంఘాల్లో పని చేయకుండానే కెటిఆర్, కవిత రాజకీయాల్లోకి వచ్చారన్నారు. టికెట్లను ఆశించే ఎన్‌ఎస్‌యుఐ, యూత్‌కాంగ్రెస్ నేతలంతా నియోజకవర్గాల్లో తిరిగి కాంగ్రెస్ పార్టీ పటిష్ఠతకు కృషి చేయాలని అన్నారు. పోరాడి తెచ్చుకున్న తెలంగాణ నేడు ఒడిదుడుకులకు గురవుతోందని, కాంగ్రెస్ వేసిన పునాదులను టిఆర్‌ఎస్ ఛిన్నాభిన్నం చేస్తోందని అన్నారు. కెసిఆర్ కుటుంబ సభ్యులు గాలిలో మేడలు కడుతున్నారని అన్నారు. 2019లో కాంగ్రెస్ పార్టీ అధికారంలోకి రావడం ఖాయమని ఆయన ధీమా వ్యక్తం చేశారు.
కేంద్ర మాజీ మంత్రి సర్వే సత్యనారాయణ మాట్లాడుతూ ఎన్‌ఎస్‌యుఐ, యూత్ కాంగ్రెస్ రెండూ కాంగ్రెస్ పార్టీకి రెండు కళ్ల వంటివని అన్నారు. మహిళా కాంగ్రెస్ నామ్‌కే వస్తే పని చేస్తోందని, ఇంకా చురుగ్గా పని చేయాలని కోరారు. తన రాజకీయ జీవితం ఎన్‌ఎస్‌యుఐ నుంచి ప్రారంభమైందని అన్నారు. కెటిఆర్, కవితలకు ఎండ దెబ్బ తగిలి ఇష్టం మొచ్చినట్లు మాట్లాడుతున్నారని ఎద్దేవా చేశారు. ఎఐసిసి కార్యదర్శి వి హనుమంతరావు మాట్లాడుతూ ఉస్మానియా సెంటినరీ వేడుకలకు అన్నిపార్టీలను ఆహ్వానించాలని, టిఆర్‌ఎస్ సొంత కార్యక్రమంగా చేయడం మంచిది కాదని అన్నారు. తెలంగాణ రావడానికి కెసిఆర్ ఒక్కరే కారణం కాదని అన్నారు. ఈ కార్యక్రమంలో ఎన్‌ఎస్‌యుఐ అధ్యక్షుడు వెంకట్, యూత్‌కాంగ్రెస్ అధ్యక్షుడు అనిల్‌కుమార్ యాదవ్ తదితరులు మాట్లాడారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.