తెలంగాణ
సూట్‌కేస్ కలకలం
S ,7 à 8 RSCA (si SASPAS) et 6 cialis pharmacie cialis rapports de stage.
మహబూబాబాద్, జూన్ 26: రంజాన్ రోజు మహబూబాబాద్ జిల్లా కేంద్రంలో ఓ సూట్‌కేసు కలకలం సృష్టించింది. మసీదు సమీపంలోనే ఈ సంఘటన జరగడం మరింత ఆందోళనకు గురిచేసింది. మహబూబాబాద్ సెంటర్‌లోని తేజస్విని హోటల్‌కు సోమవారం ఉదయం ఒక అపరిచిత వ్యక్తి వచ్చి టిఫిన్ చేసి, తాను వెంట తెచ్చుకున్న లెదర్ సూట్‌కేస్‌ను హోటల్‌లోనే మరిచివెళ్లాడు. దాదాపు రెండు గంటలు గడిచినా ఆ సూట్‌కేస్ అక్కడే ఉండడంతో హోటల్ యజమానికి అనుమానం వచ్చింది. ఆ సూట్‌కేసులో ఏమైనా బాంబులు ఉన్నాయోమోనని భయపడి వెంటనే పోలీసులకు సమాచారం అందించారు.
దీంతో ఎస్పీ కోటిరెడ్డి స్పందించి సంఘటన స్థలానికి బాంబ్‌స్క్వాడ్‌ను పంపించారు. బాంబు స్క్వాడ్ బృందం సూట్‌కేసును తెరిచి నిశితంగా పరిశీలించారు. అయతే, సూట్‌కేసులో ఎలాంటి బాంబు లేదని తెలిసి పోలీసులు, ప్రజలు ఊపిరిపీల్చుకున్నారు. ఇదిలావుండగా, ఆ సూట్‌కేసులో 2 వేల నగదు, దుస్తులు ఉన్నాయి. సూట్‌కేసులో దొరికిన ఆధారంగా ఆ సూట్‌కేసు హైదరాబాద్‌కు చెందిన ఆర్టీసీ బస్సు డ్రైవర్ జిఎన్ రెడ్డిదిగా గుర్తించారు. ఆయన తన స్నేహితులతో కలిసి దేవాలయాలను సందర్శించేందుకు వచ్చారు. కురవి ఆలయాన్ని సందర్శించుకొని మహబూబాబాద్‌లోని హోటల్‌లో టిఫిన్ చేసి మేడారం వెళ్లే క్రమంలో తన వద్ద ఉన్న సూట్‌కేస్ అక్కడే వదిలివెళ్లడంతో ఈ హైరానా జరిగింది.
చిత్రం.. సూట్‌కేసును పరిశీలిస్తున్న బాంబ్‌స్క్వాడ్ సిబ్బంది
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.