తెలంగాణ
అడ్వకేట్ జనరల్‌గా ప్రకాశ్‌రెడ్డి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 17: తెలంగాణ హైకోర్టు అడ్వకేట్ జనరల్‌గా సీనియర్ న్యాయవాది దేశాయి ప్రకాశ్‌రెడ్డిని (61) రాష్ట్రప్రభుత్వం నియమించింది. ఈ మేరకు ప్రభుత్వ కార్యదర్శి (న్యాయ) వి. నిరంజన్ రావు పేరుతో సోమవారం జీఓ (ఆర్‌టి నెంబర్ 453) జారీ అయింది. మహబూబ్‌నగర్ జిల్లా అమరచింత (ప్రస్తుతం వనపర్తి జిల్లా) కు చెందిన ప్రకాశ్‌రెడ్డి సొంత గ్రామంలో హైస్కూల్‌వరకు చదివారు. ఉస్మానియా లా కాలేజీ నుండి ఎల్‌ఎల్‌బి చేశారు. 1977 లో అడ్వకేట్‌గా ప్రాక్టీస్ ప్రారంభించిన ప్రకాశ్‌రెడ్డి సీనియర్ల వద్ద కొంతకాలం పనిచేశారు. 1986 నుండి 1990 వరకు స్వతంత్రంగా హైకోర్టులో న్యాయవాదిగా పనిచేశారు. ఆ తర్వాత ఢిల్లీ వెళ్లి సుప్రీంకోర్టులో న్యాయవాదిగా 1990 నుండి 98 వరకు పనిచేశారు. 1998 లో ఆయనను ఉమ్మడి హైకోర్టు అడిషనల్ అడ్వకేట్ జనరల్‌గా టిడిపి ప్రభుత్వం నియమించింది. ఈ పోస్టులో 2004 వరకు కొనసాగారు. 2004లో ప్రభుత్వం మారడంతో అడిషనల్ అడ్వకేట్ జనరల్ పోస్టుకు రాజీనామా చేశారు. ఆ తర్వాత మళ్లీ హైకోర్టులోనే ప్రాక్టీస్ చేస్తున్నారు. ప్రకాశ్‌రెడ్డి తండ్రి మురళీధర్ రెడ్డి మహబూబ్‌నగర్ జిల్లా అమరచింత నియోజక వర్గం నుండి ఎమ్మెల్యేగా కొంతకాలం పనిచేశారు. ప్రకాశ్‌రెడ్డి మృదుస్వభావిగా పేరుతెచ్చుకున్నారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.