తెలంగాణ
భద్రతకు ప్రాధాన్యం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 4: ప్రయాణికుల భద్రత, రైల్వే సమయ పాలనపై సోమవారం దక్షిణ మధ్య రైల్వే సమీక్ష నిర్వహించారు. వీడియో కాన్ఫరెన్స్ ద్వారా జరిగిన సమావేశంలో సికిందరాబాద్, హైదరాబాద్, విజయవాడ, గుంతకల్, గుంటూరు, నాందేడ్ డివిజన్ల మేనేజర్లు పాల్గొన్నారు. ఈ సందర్భంగా జిఎం వినోద్‌కుమార్ యాదవ్ ఆయా డివిజన్ల పరిధిలోని సమస్యలను అడిగి తెలుసుకున్నారు. స్వచ్ఛ రైల్వే, స్వచ్ఛ భారత్ కార్యక్రమాన్ని విధిగా నిర్వహించాలని సూచించారు. ప్రయాణికులకు కల్పించే సౌకర్యాలు, రైళ్లలో సౌకర్యాలు, స్టేషన్లలో పారిశుద్ధ్యం వంటి వాటిపై ప్రత్యేక దృష్టి సారించాలని ఆయన అధికారులకు సూచించారు. డివిజనల్ మేనేజర్లు, అధికారులు ఎప్పటికప్పుడు సమస్యలను పరిష్కరించాలని, ప్రత్యేక డ్రైవ్ నిర్వహిస్తూ రైల్వే భద్రతకు ప్రాధాన్యం ఇవ్వాలని జిఎం వినోద్‌కుమార్ సూచించారు. ఈ సందర్భంగా 15 మంది సిబ్బందికి ‘మ్యాన్ ఆఫ్ ది మంత్’ సేఫ్టీ అవార్డులు అందజేశారు. ఈ కార్యక్రమంలో దక్షిణ మధ్య రైల్వే అదనపు జనరల్ మేనేజర్ జాన్ థామస్, చీఫ్ ఇంజనీర్ ప్రిన్సిపాల్ కెవి శివప్రసాద్, చీఫ్ ఆపరేషన్ మేనేజర్ ఎన్ మధుసూధన్‌రావు, ఫైనాన్షియల్ అడ్వైజర్ పద్మిని రాధాకృష్ణన్, చీఫ్ మెకానికల్ ఇంజనీర్ అర్జున్ ముండియా, చీఫ్ పర్సనల్ ఆఫీసర్ కెహెచ్‌కె దొర, ఆశిశ్ అగర్వాల్, ఏఏ ఫాడ్కె పాల్గొన్నారు.
చిత్రం..డివిజనల్ రైల్వే మేనేజర్ల సమావేశంలో మాట్లాడుతున్న దక్షిణ మధ్య రైల్వే
జనరల్ మేనేజర్ వినోద్‌కుమార్ యాదవ్
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.