రాష్ట్రీయం
వైకాపాకు మైసూరా గుడ్‌బై
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 27: వైకాపాకు సీనియర్ నేత మాజీ ఎంపి డాక్టర్ మైసూరా రెడ్డి గుడ్‌బై చెప్పారు. ఆయన పార్టీ అధ్యక్షులు వైఎస్ జగన్మోహన్ రెడ్డికి నాలుగు పేజీల లేఖ రాశారు. రాజ్యసభ సీటు కోసం తాను పార్టీని వీడడం లేదని, వైకాపా ప్రతిపక్ష పార్టీగా ప్రజల పక్షాన పోరాడే ధ్యాస లేదని, అంతర్గత ప్రజాస్వామ్యం గురించి ఆ పార్టీ నాయకత్వం ఆలోచించడం లేదని ఆయన పేర్కొన్నారు. వ్యక్తులకు ప్రాధాన్యత ఇవ్వరని, నిత్యం డబ్బు అనే అంశాలకు ప్రాధాన్యత ఇస్తున్నారని తెలిపారు. తాను ఏ మానవీయ కోణంలో, మానవతా దృక్పథంతో పార్టీలో చేరానో అవేవి పార్టీలో కనపించడం లేదన్నారు. ఏ మాత్రం మానవీయకోణం లేనప్పుడు పార్టీలో ఉండడం అనవసరమన్నారు. రాచరిక, మొగలాయి చక్రవర్తులు, తెల్లదొరల పాలనలో అధికారం కోసం పెత్తనం చలాయించడం కోసం ఇతరుల కుటుంబాల్లో చిచ్చుపెట్టే సంస్కృతి అప్పట్లో ఉండేదనద్నారు. ప్రజాస్వామ్యంలో ఆ సంస్కృతికి తావులేదన్నారు. తండ్రి కొడుకులకు, భార్యాభర్తలకు అన్నదమ్ములకు మధ్య తగాదాల సంస్కృతిని జగన్ పని గట్టుకుని ప్రోత్సహించడం చూస్తే ప్రజాస్వామ్యం మీద నమ్మకం లేదనిపిస్తుందన్నారు. జగన్‌కు మాట మీద నిలకడ ఉండదని, ఇతరుల సలహాలను పరిగణనలో తీసుకోరని, వాటి గురించి ఆలోచించరన్నారు. మానవతా విలువలకు తావుండదన్నారు. పార్టీకి సంబంధించి ఎలాంటి అంశాలపైన అయినా అప్పటికప్పుడు జగన్ ఇష్టప్రకారం నిర్ణయాలు మారుస్తారని, ఇతర నేతలతో చర్చించాలనుకోరన్నారు. అపరిచితుడు సినిమాలోని క్యారెక్టర్ జగన్‌లో ఉన్నారని ఆయన పేర్కొన్నారు. జగన్ కుటుంబం సంక్షోభంలో ఉన్నప్పుడు మానవీయతతో వేసని అడుగు తప్పటడుగు అయిందని, రాజకీయాల్లో మానవీయతకు తావులేదని ఎన్నికల తర్వత జరిగిన పరిణామాలతో రుజువైందన్నారు. గతంలో ప్రతి రోజూ జగన్ ఫోన్‌లో మాట్లాడేవారిన, ఇప్పుడు పట్టించుకోవడం లేదని ఆయన అన్నారు. ఈ వయస్సులో పార్టీలు మారి చెడ్డపేరు తెచ్చుకోవడం ఇష్టం లేదని, రచనా వ్యాసంగం పెట్టుకోవాలనే నిశ్చితాభిప్రాయంతో ఉన్నాని ఆయన పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.