తెలంగాణ
బంగారు తెలంగాణ బడ్జెట్ 2024లో రూ.5లక్షల కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 14: బంగారు తెలంగాణ సాధనలో భాగంగా రాష్ట్రప్రభుత్వం రూపొందిస్తున్న 2024 విజన్ డాక్యుమెంట్‌లో 2024లో రాష్ట్ర బడ్జెట్ రూ.5 లక్షల కోట్లు ఉండే విధంగా అభివృద్ధిని చేపట్టాలని నిర్దేశించారు. సెంటర్ ఫర్ గుడ్ గవర్నెన్స్ ఆధ్వర్యంలో బంగారు తెలంగాణ డాక్యుమెంట్ సిద్ధమవుతోంది. తెలంగాణ రాష్ట్రం అవతరించినప్పటి నుంచి మిగులు బడ్జెట్‌తో దేశానికి ఆదర్శంగా నిలుస్తోంది.
దీని వల్ల దేశంలో ధనిక రాష్ట్రాల జాబితాలో తెలంగాణ చేరింది. 2015-16లో తెలంగాణ ప్రభుత్వం రూ.1.15 లక్షల కోట్లు, 2016-17లో రూ.1.30 లక్షల కోట్లు , 2017-18లో రూ. 1.49కోట్ల బడ్జెట్‌ను ప్రవేశపెట్టింది. ఇదే ఉత్సాహంతో, వచ్చే ఆరేళ్లు అన్ని రంగాల్లో అభివృద్థిని సమతుల్యతతో సాధిస్తే రూ.5లక్షలకోట్ల బడ్జెట్‌ను ప్రవేశపెట్టే అవకాశాలున్నాయి.
ప్రస్తుతం దేశంలో ఉత్తరప్రదేశ్ బడ్జెట్ రూ. 3.77 లక్షల కోట్లు, మహారాష్టల్రో రూ. 2.21లక్షల కోట్లు, మధ్యప్రదేశ్‌లో రూ.1.85 లక్షల కోట్లు, గుజరాత్‌లో రూ.1.72 లక్షల కోట్లు, బీహార్‌లో రూ. 1.60 లక్షల కోట్లతో దూసుకుపోతున్నాయి. సాధారణంగా ప్రతి ఏటా 15 శాతం అదనంగా బడ్జెట్ అంచనాలను పెంచుతారు. 2019 ఎన్నికల తర్వాత నుంచి బంగారు తెలంగాణ విజన్ డాక్యుమెంట్‌ను అమలు చేయాలని ప్రభుత్వం నిర్ణయించిన విషయం విదితమే. 34 శాఖలు విజన్ డాక్యుమెంట్‌కోసం శ్రమిస్తున్నాయి. 2014 జూన్ 2వ తేదీన తెలంగాణ రాష్ట్రం అవతరించింది. ఆ ఏడాది పూర్తి స్ధాయి బడ్జెట్‌ను రాష్ట్రప్రభుత్వం ప్రవేశపెట్టలేదు. పూర్తి స్ధాయి బడ్జెట్‌ను రూ. 2015-16లోనే ప్రవేశపెట్టారు. ప్రస్తుతం దేశంలో మిగతా రాష్ట్రాలతో పోల్చితే తెలంగాణలో సాలీనా వృద్ధిరేటు 17.81 శాతం నమోదైంది. బంగారుతెలంగాణ ముసాయిదా డాక్యుమెంట్‌ను ఈ నెలాఖరుకు ముఖ్యమంత్రికి అధికారులు సమర్పించనున్నారు. వీటికి మార్పులు చేర్పులు చేసి వచ్చే ఏడాది సంక్రాంతి పండగకు బంగారు తెలంగాణ డాక్యుమెంట్‌ను విడుదల చేసే అవకాశం ఉందని ప్రభుత్వ వర్గాలు తెలిపాయి.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.