తెలంగాణ
రూ.3.4కోట్లతో టీఎస్‌ఎస్‌పీడీసీఎల్ కార్యాలయాలకు సోలార్ విద్యుత్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 20: మెదక్, నల్గొండ జిల్లాల్లో ఉన్న తెలంగాణ సదరన్ పవర్ డిస్ట్రిబ్యూషన్ కంపెనీ కార్యాలయాలు, సబ్ స్టేషన్లకు భవనం పైభాగాన సౌరవిద్యుత్ ఉత్పత్తయ్యే యూనిట్లను ఏర్పాటు చేసే ఆర్డర్‌ను హైదరాబాద్‌కి చెందిన ఫ్రేయర్ ఎనర్జీ కంపెనీ దక్కించుకుంది. రూ.3.4 కోట్లతో చేపట్టే ఈ సోలార్ కాంట్రాక్ట్ 12 నెలల్లో పూర్తి చేయాల్సి ఉందని ఫ్రేయర్ ఎనర్జీ సహ వ్యవస్ధాపకుడు సౌరభ్ మర్దా తెలిపారు. మెదక్‌లో 300 కెడబ్ల్యూపి, నల్గొండలో 290కెడబ్ల్యూపి ఉత్పాదక సామర్ధ్యంతో కూడిన యూనిట్లు ఏర్పాటు చేయాలని ఒప్పందం కుదిరిందని తెలిపారు. నాలుగు కంపెనీలు ఈ కాంట్రాక్ట్ దక్కించుకునేందుకు పోటీపడగా, తమ సంస్థ చివరిగా దక్కించుకుందని వెల్లడించారు. తెలంగాణ ప్రభుత్వం 2015 సోలార్ పవర్ పాలసీని ప్రకటించిన తర్వాత గ్రిడ్ సామర్ధ్యం పెరగడమే కాకుండా ప్రైవేట్, పబ్లిక్ పెట్టుబడులు పెరిగాయని తెలిపారు. దేశ వ్యాప్తంగా ఇప్పటి వరకు తమ సంస్థ 5.5 మెగావాట్ల సామర్ధ్యంతో కూడిన సోలర్ విద్యుత్ యూనిట్లు ఏర్పాటు చేశామని, ఇంకా కొన్ని ప్రాజెక్టులు కొనసాగుతున్నాయని వెల్లడించారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.