తెలంగాణ
రాష్ట్రానికి మరిన్ని మెగా ప్రాజెక్టులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 21: రాష్ట్రానికి మరిన్ని మెగా ప్రాజెక్టులు రానున్నాయని మంత్రివర్గ ఉప సంఘం వెల్లడించింది. ఇతర రాష్ట్రాల కంటే ఎక్కువగా రాయితీలు, ప్రోత్సహకాలను తెలంగాణ ప్రభుత్వం ఇవ్వడం వల్లనే మెగా ప్రాజెక్టులు స్థాపించడానికి ఆసక్తి కనబరుస్తున్నారని అభిప్రాయపడింది. పరిశ్రమలశాఖ మంత్రి కె తారకరామారావు అధ్యక్షతన గురువారం మంత్రివర్గ ఉప సంఘం సమావేశమైంది. ఈ సందర్భంగా రాష్ట్రంలో పెట్టుబడులు పెట్టడానికి ఆసక్తి కనబరిచిన మెగా ప్రాజెక్టులకు ఇవ్వాల్సిన ప్రత్యేక ప్యాకేజీలు, రాయితీలపై చర్చించింది. రాష్ట్రంలోకి మరిన్ని పెట్టుబడులను ఆకర్షించడానికి ఉదారంగా రాయితీలు ఇవ్వాల్సిన అవసరం ఉందనే ఏకాభిప్రాయాన్ని మంత్రివర్గ ఉప సంఘం వ్యక్తం చేసింది. ఇప్పటికే ఇతర రాష్ట్రాల రాయితీలు, ప్యాకేజీల కంటే తెలంగాణ ప్రభుత్వం ఎక్కువ ప్రోత్సహకాలను ఇస్తుందన్నారు. ఇతర రాష్ట్రాల్లో ఇస్తున్న రాయితీలు, ప్రోత్సహకాలపై మంత్రివర్గ ఉప సంఘం చర్చించింది. కొత్తగా రానున్న మెగా ప్రాజెక్టులు ఇవ్వాల్సిన రాయితీలు, ప్రోత్సహకాలపై ప్రభుత్వానికి త్వరలో సిఫారసులు అందజేయాలని మంత్రివర్గ ఉప సంఘం నిర్ణయించింది. ఈ సమావేశంలో ఆర్థికశాఖ మంత్రి ఈటెల రాజేందర్, ఐటీశాఖ ముఖ్య కార్యదర్శి జయేశ్ రంజన్, రెవిన్యూ ముఖ్య కార్యదర్శులు సోమేశ్‌కుమార్, అజయ్ మిశ్రా, సిఎంఓ అదనపు కార్యదర్శి శాంతికుమారి తదితరులు పాల్గొన్నారు.
చిత్రం..గురువారం హైదరాబాద్‌లో మంత్రి కేటీఆర్ అధ్యక్షతన సమావేశమైన మంత్రివర్గ ఉపసంఘం
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.