బిజినెస్
అండర్ ట్రయల్ ఖైదీల కోసం ‘న్యాయ భారతి’
S ,7 à 8 RSCA (si SASPAS) et 6 cialis pharmacie cialis rapports de stage.
రూ.10 కోట్లతో ప్రారంభించనున్న భారతీ * సునీల్ మిట్టల్ విరాళం రూ.5 కోట్లు
న్యూఢిల్లీ, నవంబర్ 26: జీవితంలో తొలిసారి చిన్నచిన్న నేరాలకు పాల్పడి జైళ్లలో మగ్గుతున్న అండర్ ట్రయల్ ఖైదీలకు సహాయాన్ని అందించేందుకు ప్రముఖ సంస్థ భారతీ ఎంటర్‌ప్రైజెస్ ‘న్యాయ భారతి’ పేరుతో త్వరలో న్యాయ సేవా సంస్థను ప్రారంభించనుంది. దేశంలోనే అతిపెద్ద ప్రైవేట్ టెలికామ్ సంస్థ ‘్భరతీ ఎయిర్‌టెల్’కు యజమానిగా వ్యవహరిస్తున్న భారతి ఎంటర్‌ప్రైజెస్ అధ్యక్షుడు సునీల్ భారతి తన వేతనం నుంచి 5 కోట్ల రూపాయల విరాళాన్ని ‘న్యాయ భారతి’కి అందజేయనున్నారు. భారతీ ఎంటర్‌ప్రైజెస్ నుంచి 10 కోట్ల రూపాయల నిధులతో ప్రారంభమయ్యే ‘న్యాయ భారతి’ జిల్లాస్థాయి కోర్టుల్లో బెయిళ్లు, హామీల కోసం అవసరమైన మొత్తాలను చెల్లించి అండర్ ట్రయల్ ఖైదీలకు సహాయాన్ని అందజేస్తుంది. తొలుత ఢిల్లీ-ఎన్‌సిఆర్ (జాతీయ రాజధాని ప్రాంతం)లో ప్రారంభమయ్యే ‘న్యాయ భారతి’ని మున్ముందు పంజాబ్, జమ్మూ-కాశ్మీర్, హర్యానా, రాజస్థాన్ తదితర రాష్ట్రాలకు విస్తరిస్తామని, కార్పొరేట్ సామాజిక బాధ్యత (సిఎస్‌ఆర్)లో భాగంగా భారతీ ఎయిర్‌టెల్ ప్రతి ఏటా ‘న్యాయ భారతి’కి 10 కోట్ల రూపాయలు అందజేస్తుందని, ఈ విరాళంలో సగం మొత్తాన్ని తన వేతనం నుంచే ఇవ్వడం జరుగుతుందని సునీల్ మిట్టల్ వివరించారు. గత ఆర్థిక సంవత్సరం (2014-15)లో సునీల్ మిట్టల్ రూ.27.17 కోట్ల వేతనాన్ని పొందారు. భారతీ ఎంటర్‌ప్రైజెస్‌కు చెందిన దాతృత్వ సంస్థ ‘్భరతీ ఫౌండేషన్’ ఆధ్వర్యంలో పనిచేసే న్యాయ భారతి ప్రత్యేక పాలక మండలిని కలిగి ఉంటుందని సునీల్ మిట్టల్ తెలిపారు. సుప్రీం కోర్టు మాజీ ప్రధాన న్యాయమూర్తి ఎఎస్.ఆనంద్ అధ్యక్షతన 12 మందితో ఏర్పాటయ్యే న్యాయ భారతి పాలక మండలిలో తాను, తన సోదరుడు రాకేష్ భారతి మిట్టల్‌తో పాటు మాజీ సొలిసిటర్ జనరల్ హరీష్ ఎన్.సాల్వే, సీనియర్ న్యాయవాది మణీందర్ సింగ్, మాజీ ప్రధాన మంత్రి మన్మోహన్ సింగ్‌కు మీడియా సలహాదారుగా వ్యవహరించిన సంజయ బారు తదితరులు సభ్యులుగా ఉంటారన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.