రాష్ట్రీయం
నూతన సంవత్సర కానుక - తెల్లకార్డు లేకున్నా ఉచిత వైద్యం
S ,7 à 8 RSCA (si SASPAS) et 6 cialis pharmacie cialis rapports de stage.
* రోగులకు సీఎంసీఓ రెఫరల్ కార్డులు
* ముఖ్యమంత్రి సహాయనిధి నుంచి చెల్లింపులు
విజయవాడ, డిసెంబర్ 31: రాష్ట్రంలో అత్యవసర చికిత్స అవసరమయ్యే రోగులకు ప్రభుత్వం నూతన సంవత్సర కానుక ప్రకటించింది. తెల్లకార్డు లేకున్నా రోగులకు ప్రభుత్వం సూచించిన స్పెషాలిటీ నెట్‌వర్క్ ఆస్పత్రుల్లో ‘డాక్టర్ నందమూరి తారక రామారావు వైద్యసేవ’ కింద ఉచితంగా చికిత్స అందించాలని నిర్ణయించింది. ఈ ఆస్పత్రుల్లో వైద్య సేవలను పొందేందుకు ప్రభుత్వం కొత్తగా ప్రవేశపెడుతున్న సిఎంసిఓ రెఫరల్ కార్డులు తీసుకోవాలి. ఇప్పటికే తెల్ల రేషన్ కార్డులు వున్నవారికి ఈ రెఫరల్ కార్డులు అవసరం లేదు. గులాబీ రేషన్ కార్డులు, ఎలాంటి రేషన్ కార్డులు లేని వారికి మాత్రం సిఎంసిఓ రెఫరల్ కార్డులు తప్పనిసరి. ప్రతి రెఫరల్ కార్డుకు ప్రత్యేకంగా ఒక నెంబర్‌ని కేటాయిస్తారు. ఈ నెంబర్ ఆధారంగా ప్రభుత్వం సూచించిన ఆస్పత్రుల్లో వైద్యసేవలు అందుతాయి. ఈ ఆస్పత్రులకు ప్రభుత్వం ముఖ్యమంత్రి సహాయ నిధి నుంచి రెవెన్యూ విభాగం ద్వారా ఆన్‌లైన్‌లోనే చెల్లింపులు చేస్తుంది. ఎన్టీఆర్ వైద్య సేవ ఆమోదిత ప్యాకేజీల కింద ఆరోగ్యశ్రీ హెల్త్ కేర్ ట్రస్ట్ నుంచి అనుమతి తీసుకుని ఎలాంటి రుసుము వసూలు చేయకుండా ఆస్పత్రులు చికిత్స అందించాలి. రోగుల దగ్గర డబ్బు తీసుకున్నట్టు ట్రస్ట్ దృష్టికి వస్తే ఆయా ఆస్పత్రులకు ముందస్తు అనుమతి, క్లయిమ్ రద్దవుతుంది. రెఫరల్ కార్డులను హైదరాబాద్ లేక్‌వ్యూ గెస్ట్‌హౌస్‌లోని సిఎం క్యాంప్ కార్యాలయం దగ్గర వున్న ట్రస్ట్ క్లినిక్, ఇంకా విజయవాడ జిజిహెచ్, విశాఖపట్నం కెజిహెచ్, తిరుపతి స్విమ్స్, కర్నూలు జిజిహెచ్, కాకినాడ జిజిహెచ్‌లలో జారీ చేస్తారు. రోగి స్వయంగా ఈ కేంద్రాలకు వెళ్లి వేలిముద్రలు వేసి కార్డులు పొందాలి. రెఫరల్ కార్డులతో చికిత్స పొందాలనుకునేవారు పైన పేర్కొన్న నమోదు కేంద్రాలకు సంబంధిత వైద్య పత్రాలతో పాటు ప్రభుత్వ గుర్తింపు కార్డుల ఒరిజినల్స్‌ను రోగులు తమ వెంట తీసుకువెళ్లాలి. ఐదు సంవత్సరాల లోపు పిల్లలకు చికిత్స అందించాల్సి వుంటే ఆ చిన్నారి జనన ధ్రువీకరణ పత్రంతో సహా తల్లిదండ్రుల గుర్తింపు కార్డును జతచేయాలి. సిఎంసిఓ కార్డులు జారీచేసిన పది రోజుల వరకే చెల్లుబాటు అవుతాయి. ఆ సమయంలోగా రోగులు ఆస్పత్రుల్లో చేరాల్సి వుంటుంది. రెఫరల్ కార్డుల గురించి ఏమైనా సందేహాలు, మరింత సమాచారం కావాలనుకునేవారు 104 హెల్ఫ్‌లైన్ నెంబర్‌కు కాల్ చేసి తెలుసుకోవచ్చు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.