రాష్ట్రీయం
90లక్షల మందికి కొత్తగా.. తెల్ల రేషన్ కార్డులు త్వరలో జారీ చేస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
తెలంగాణ అసెంబ్లీలో మంత్రి ఈటల వెల్లడి
హైదరాబాద్, మార్చి 12: తెలంగాణ రాష్ట్రంలో దారిద్య్రరేఖకు దిగువన ఉన్న కుటుంబాలకు ఆహార భద్రత పథకం కింద అర్హులైన వారికి తెల్ల రేషన్ కార్డులను జారీ చేస్తున్నామని, ఇది నిరంతర ప్రక్రియ అని ఆర్థిక శాఖ మంత్రి ఈటెల రాజేందర్ ప్రకటించారు. ఎంఐఎం శాసనసభాపక్ష నేత అక్బరుద్దీన్ ఒవైసీ తదితరులు అడిగిన ప్రశ్నకు ఆయన బదులిస్తూ తెల్ల రేషన్ కార్డు నిమిత్తం 1,01,37,897 దరఖాస్తులను వచ్చాయని, ఇందులో 90,15,729 మంది అర్హులని గుర్తించినట్లు చెప్పారు. పరిశీలన ప్రక్రియ పూర్తయిన తర్వాత తెల్లరేషన్ కార్డులు ఇస్తామన్నారు. రాష్ట్ర విభజన కంటే ముందు 2.24 కోట్ల మందికి 80.09 లక్షల రేషన్ కార్డులు ఉండేవన్నారు. ఇప్పుడు 2.81 కోట్ల మందికి 89.47 లక్షల తెల్ల రేషన్ కార్డులు ఉన్నాయన్నారు. తెల్లరేషన్ కార్డుకు గ్రామాల్లో పరిమితిని రూ.1.50 లక్షలు, పట్టణ ప్రాంతాల్లో పరిమితిని రూ.2 లక్షలకు పెంచామన్నారు. ప్రతి ఒక్కరికి ఆరు కిలోల బియ్యం పంపిణీ చేస్తున్నామన్నారు. వచ్చే ఏడాది నుంచి హాస్టల్ విద్యార్ధులకు సన్నబియ్యం అన్నం వండి పెట్టాలని ప్రభుత్వం ఆదేశాలు జారీ చేసినట్లు చెప్పారు. రాష్ట్రప్రభుత్వం సాలీనా సబ్సిడీ బియ్యానికి రూ.7200 కోట్లను ఖర్చుపెడుతున్నట్లు చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.