బిజినెస్
వెంకటేశన్ ఇన్ఫీ కో-చైర్మన్
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు, ఏప్రిల్ 13: దేశీయ ఐటి దిగ్గజ సంస్థల్లో ఒకటైన ఇన్ఫీ (ఇన్ఫోసిస్) తమ స్వతంత్ర డైరెక్టర్ రవి వెంకటేశన్‌ను కో-చైర్మన్‌గా నియమించింది. డైరెక్టర్ల బోర్డును విస్తరించాలని సంస్థ వ్యవస్థాపకుల నుంచి వచ్చిన సూచనల మేరకు ఇన్ఫోసిస్ గురువారం ఆయనను ఈ పదవిలో నియమించింది. సిఇఓ వేతన పెంపు వ్యవహారంతో పాటు మాజీ ఉద్యోగులకు సెవెరెన్స్ ప్యాకేజీ, కార్పొరేట్ గవర్నెన్స్ ప్రమాణాలు తదితర అంశాల విషయమై ఇన్ఫోసిస్ వ్యవస్థాపకులకు, యాజమాన్యానికి మధ్య ఘర్షణ కొనసాగుతున్న నేపథ్యంలో రవి వెంకటేశన్‌ను సంస్థ కో-చైర్మన్‌గా నియమించి బోర్డును విస్తరించడం గమనార్హం. సంస్థ భవిష్యత్ వ్యూహాన్ని అమలు చేయడంలో యాజమాన్యానికి తోడ్పాటును అందించే విధంగా బోర్డు పనితీరును మెరుగుపర్చడంలో రవి వెంకటేశన్ తనకు సహాయ సహకారాలు అందజేస్తారని ఇన్ఫోసిస్ చైర్మన్ ఆర్.శేషసాయి ఒక ప్రకటనలో వెల్లడించారు. 2011 ఏప్రిల్ నుంచి ఇన్ఫోసిస్ బోర్డులో కొనసాగుతున్న రవి వెంకటేశన్ సంస్థ వ్యూహాత్మక ఎదుగుదలకు ఎనలేని సేవలను అందించారని శేషసాయి ఆ ప్రకటనలో కొనియాడారు. ఇదిలావుంటే, టెక్నాలజీ పరిశ్రమకు ఎంతో కీలకమైన ఈ తరుణంలో ఇన్ఫోసిస్ చైర్మన్ శేషసాయి, సిఇఓ విశాల్ సిక్కా, ఆయన లీడర్‌షిప్ టీమ్‌తో కలసి మరింత సన్నిహితంగా పనిచేసే అవకాశం లభించడం ఎంతో సంతోషాన్ని కలిగిస్తోందని రవి వెంకటేశన్ తెలిపారు.
చిత్రం..రవి వెంకటేశన్
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.