రాష్ట్రీయం
మంత్రులు ఇచ్చిన హామీల సంగతేమిటీ?
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, జనవరి 21: రాజధాని అమరావతి ప్రకటించిన నాటి నుంచి అన్ని విధాలా రాష్ట్రప్రభుత్వానికి సహకరిస్తున్న తుళ్లూరు ప్రజలు తొలిసారిగా మాస్టర్‌ప్లాన్ సదస్సును బహిష్కరించి సంచలనం సృష్టించారు. గురువారం సదస్సును నిర్వహించేందుకు సిఆర్‌డిఎ అధికారులు చేసిన యత్నాన్ని అడ్డుకున్న గ్రామస్థులు రెండు గంటల సేపు రహదారిపై బైఠాయించారు. రాష్టమ్రంత్రులు, సిఆర్‌డిఎ కమిషనర్, జిల్లా జాయింట్ కలెక్టర్ హాజరు కాకుండా మాస్టర్‌ప్లాన్‌పై అవగాహన సదస్సు నిర్వహిస్తే ఎంతమాత్రం ఒప్పుకునేది లేదంటూ భీష్మించారు. గతంలో మంత్రులు ఇచ్చిన హామీలను అమలు చేయకుండా ఎప్పటికప్పుడు కాలయాపన చేస్తూ, పనులు చేసుకుంటూ అధికారులు ముందుకు వెళ్లడాన్ని ఉపేక్షించేది లేదన్నారు. గతంలో అసైన్డ్ భూముల రైతులకు పరిహారం ఇస్తామని హామీ ఇచ్చారన్నారు. మెట్టరైతులకు ప్రభుత్వం ప్రకటించిన ప్యాకేజీ కంటే 100 గజాలు పెంచి స్థలం కేటాయిస్తామన్న హామీ ఇంత వరకు నెరవేరలేదన్నారు. ఉచిత విద్య, వైద్యం అందిస్తామని చేసిన ప్రకటన కార్యరూపం దాల్చలేదన్నారు. గ్రామకంఠాల సమస్యను వదిలేసి మాస్టర్‌ప్లాన్ అంటూ ముందుకెళ్తున్న అధికారుల తీరు పట్ల ఆగ్రహం వ్యక్తంచేశారు. సదస్సును నిర్వహించేందుకు ప్రయత్నించిన అధికారుల మాటలు వినేందుకు ససేమిరా అన్నారు. గ్రామకంఠాల జాబితాను తయారు చేసి గుంటూరు జిల్లా జాయింట్ కలెక్టర్ సిఆర్‌డిఎ అధికారులకు అప్పగిస్తే దానిలో మార్పులు చేర్పులు చేయడాన్ని ఎంతమాత్రం అంగీకరించబోమన్నారు. ఏ ప్రాతిపదికన గ్రామకంఠాల్లో మార్పులు చేశారో స్పష్టంచేయాలన్నారు. గ్రామం వెలుపల ఉన్న వేరే రైతు పొలాన్ని గ్రామకంఠంలో చేర్చడంపై మండిపడ్డారు. గద్దె మంగయ్య మాట్లాడుతూ అధికారులు బదిలీపై వెళ్తుంటారని, సాక్షాత్తు ఉప ముఖ్యమంత్రి నిమ్మకాయల చినరాజప్ప ఇచ్చిన హామీకే ఎటువంటి ఫలితం కనిపించడం లేదని, అందువల్ల ప్రభుత్వ ఇచ్చే ప్రతిహామీ లిఖితపూర్వకంగా కావాలంటూ డిమాండ్ చేశారు. అనంతరం మందడం గ్రామంలో జరిగిన మాస్టర్‌ప్లాన్ అవగాహన సదస్సుకు సిఆర్‌డిఎ కమిషనర్ శ్రీకాంత్, జాయింట్ కలెక్టర్ చెరుకూరి శ్రీ్ధర్ తదితరులు హాజరై రైతుల సందేహాలను నివృత్తిచేశారు. రైతు బెజవాడ సాంబయ్య మాట్లాడుతూ కేంద్ర రాజధాని పరిధిలో భూములిచ్చిన రైతులకు వేరే ప్రాంతంలో స్థలాలు కేటాయిస్తామంటే ఒప్పుకోబోమన్నారు.
మల్కాపురంలోనూ అదే వరస
గ్రామకంఠాలపై స్పష్టత ఇవ్వకుండా మాస్టర్ ప్లాన్‌పై సదస్సులు నిర్వహించేందుకు యత్నించిన సిఆర్‌డిఎ అధికారులకు మల్కాపురంలోనూ గ్రామస్థులు షాక్ ఇచ్చారు. భూ సమీకరణ చటాన్ని వ్యతిరేకిస్తూ మల్కాపురం రైతులు సిఆర్‌డిఎ అధికారులు గురువారం చేపట్టిన అవగాహన సదస్సును బహిష్కరించారు. అధికారులు గ్రామకంఠాల జాబితా విడుదల చేయాల్సిందేనంటూ పట్టుబట్టారు. తుళ్లూరు గ్రామంలో సదస్సును బహిష్కరించిన ప్రభావం మిగిలిన గ్రామాలకూ పాకింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.