రాష్ట్రీయం
ఆపరేషన్ టెన్షన్
S ,7 à 8 RSCA (si SASPAS) et 6 cialis pharmacie cialis rapports de stage.
చేవెళ్ల/ షాబాద్, జూన్ 23: రంగారెడ్డి జిల్లా చేవెళ్ల మండల పరిధిలోని ఇక్కారెడ్డిగూడా గ్రామంలో బోరు బావిలో పడిన చిన్నారి పరిస్థితి విషమంగా ఉండటంతో ఉత్కంఠ నెలకొంది. ప్రమాదంలో ఇరుక్కుని 24 గంటలు గడవటంతో పాప పరిస్థితి ఆందోళనకరంగా మారింది. గురువారం సాయంత్రం నుంచి అధికారులు నిరంతరంగా నాలుగు ఇటాచీలతో బోరుబావికి సమాంతరంగా తవ్వకాలు జరుపుతున్న ఎలాంటి ఫలితం లేకపోయింది. సంఘటన స్థలానికి మంత్రి మహేందర్‌రెడ్డి, ఎంపి కొండా విశే్వశ్వర్‌రెడ్డి, ఎమ్మెల్యే యాదయ్య, ఎమ్మెల్సీ నరేందర్‌రెడ్డి, జిల్లా కలెక్టర్ రఘునందన్‌రావు, సిపి సందీప్ శాండిల్య, చేవెళ్ల ఆర్డీవో వెంకటేశ్వర్లు, తహశీల్దార్ గొపీరామ్ దగ్గర ఉండి చర్యలు తీసుకుంటున్నారు. గురువారం సాయంత్రం నుంచి చిన్నారిని కాపాడేందుకు నాలుగు టీములు నిరంతరంగా శ్రమిస్తున్నాయి. నల్గొండ నుంచి వచ్చిన రిస్క్యూటీమ్, ఎన్‌డిఆర్‌ఎఫ్, మంగళగిరి నుంచి వచ్చిన బృందం అధునాతన పద్ధతిలో పైపులకు రోబో చేతులు అమర్చి పాపను రక్షించేందుకు ప్రయత్నించారు. మరో టీము చైన్ పూలింగ్ పద్ధతిలో, అందులోని మోటార్‌తో పాటు చిన్నారిని తీసేందుకు ప్రయత్నించగా పది ఆడుగులపైకి వచ్చి జారి పడిపోయింది. కేవలం మోటార్ పైపును బయటకు తీశారు. సమాంతరంగా జరుపుతోన్న తవ్వకాల కారణంగా భూమి అదిరి చిన్నారి మరింత లోతుకు జారిపోయి ఉంటుందని భావిస్తున్నారు. కనీసం 80 అడుగుల కిందకు జారిపోయి ఉండొచ్చని, పరిస్థితి ప్రమాదకరంగానే ఉందని తెలుస్తోంది. అయితే, 80 అడుగుల లోతుకు సమాంతర గొయ్యి తవ్వడం కష్టం కనుక, శనివారం ఓఎన్‌జిసి, ఎల్ అండ్ టి నిపుణుల సాయం తీసుకుని ప్రత్యామ్నాయ చర్యలపై దృష్టి పెట్టాలని రాష్ట్ర ప్రభుత్వం నిర్ణయించింది. చిన్నారి ఎంత లోతులో ఉందో ప్రత్యేక కెమెరాలకు కూడా అందకపోవడం, వర్షం కారణంగా సహాయక చర్యలకు అంతరాయం కలుగుతుండటంతో చిన్నారి పరిస్థితిపై మరింత ఆందోళన నెలకొంది. 24 గంటలుగా కలెక్టర్ రఘునందన్ రావు సహాయక చర్యల్లో నిమగ్నమై రెస్క్యూ బృందాలతో చిన్నారిని రక్షించేందుకు కృషి చేస్తున్నారు. చిన్నారి కోసం మళ్లీ ప్రయత్నించినా ఫలితం లేకపోవడంతో హిటాచీలతో తవ్వి చిన్నారిని తీసేందుకు ముమ్మర ప్రయత్నాలు కొనసాగిస్తున్నారు. బోరుబావిలో పడిన చిన్నారిని కాపాడేందకు వర్షాన్ని సైతం లెక్క చేయకుండా జిల్లా పాలన వ్యవస్థ ఎప్పటికప్పుడు తగ్గిన చర్యలు చేపట్టింది. చిన్నారి ప్రాణాలు కాపాడేందుకు విశ్వప్రయత్నాలు చేస్తున్నారు. ప్రమాదం జరిగినప్పటి నుంచి నిర్విరామంగా చిన్నారికి 108 సిబ్బంది ఆక్సిజన్ అందిస్తున్నారు. నగరంలోని పలు ఆసుపత్రిల నుంచి పాప ప్రాణాలు కాపాడేందుకు వైద్య సిబ్బంది వచ్చారు. పాప ఎప్పడు బయటకు వస్తుందా అని ఎదురు చూస్తున్నారు. బోరుబావిలో పడిన చిన్నారి తల్లిదండ్రులను మాజీ మంత్రి సబితారెడ్డి ఓదార్చి ధైర్యం చెప్పారు. పాప ప్రాణాలతో బయటపడే విధంగా తగిన చర్యలు తీసుకుంటామని హమీచ్చారు.
చిత్రం.. పెద్దఎత్తున సాగుతోన్న సహాయక చర్యలు, (ఇన్‌సెట్‌లో) బోరుబావిలో పడిన చిన్నారి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.